Homeગુજરાતીદિવાળી વેકેશન બાદ સ્કૂલોમાં બીજા શૈક્ષણિક સત્રનો પ્રારંભઃ 1થી 5ના ઓફલાઈન વર્ગો...

દિવાળી વેકેશન બાદ સ્કૂલોમાં બીજા શૈક્ષણિક સત્રનો પ્રારંભઃ 1થી 5ના ઓફલાઈન વર્ગો શરૂ થયાં

અમદાવાદઃ ગુજરાતમાં દિવાળીના વેકેશન બાદથી બીજા શૈક્ષણિક સત્રનો પ્રારંભ થયો હતો. જેથી સ્કૂલોમાં વિદ્યાર્થીઓની ચહલ-પહલ જોવા મળી હતી. આજથી ધો-1થી 5ના વિદ્યાર્થીઓના પણ ઓફલાઈન વર્ગો પણ શરૂ થયાં હતા. આમ લગભગ દોઢ વર્ષના લાંબા અંતરાલ બાદ ધો-1થી 5ના વિદ્યાર્થીઓ સ્કૂલના પગથિયા ચડ્યાં હતા. જ્યારે અનેક બાળકો પ્રથમવાર આજે સ્કૂલના પગથિયા ચડ્યાં હતા.

ગુજરાતમાં સ્કૂલોમાં આજથી ધો-1થી 12ના વિદ્યાર્થીઓનું દિવાળીનું વેકેશન પૂર્ણ થતા ફરીથી શરૂ થઈ હતી. સ્કૂલોમાં બાળકોના ટેમ્પરેચર માપવામાં આવ્યા, માસ્ક અને વાલીના સંમતિ પત્ર સાથે બાળકોને શાળામાં પ્રવેશ આપવામાં આવ્યો. દરમિયાન અમદાવાદમાં આવેલી નારણપુરા શાળા નંબર 1 અને 2 ખાતે વિદ્યાર્થીઓનું ગુલાબનું ફૂલ આપી સ્વાગત કરાયું હતું. બીજી તરફ બાળકો પણ સ્કૂલમાં પોતાના મિત્રોને ખુશ થઈ ગયા હતા. જો કે, ધો-1થી 5ના વિદ્યાર્થીઓના લાંબા સમય બાદ ઓફલાઈન વર્ગો શરૂ થયા હોવાથી અનેક બાળકો આજે સ્કૂલ જતા આનાકાની કરતા જોવા મળ્યાં હતા.

અત્રે ઉલ્લેખનીય છે કે, કોરોનાના કેસ ઘટતા સરકારે તબક્કાબાર ધો-6થી 12ના ઓફલાઈન વર્ગો શરૂ કર્યાં હતા. આ ઉપરાંત આ વિદ્યાર્થીઓને ઓનલાઈન એજ્યુકેશનનો પણ વિકલ્પ આપવામાં આવ્યો હતો. જ્યારે ધો-1થી 5ના વર્ગો લાંબા અંતરાલ બાદ આજથી ઓફલાઈન શરૂ થયાં છે. આ અંગે ગઈકાલે જ શિક્ષણ મંત્રી જીતુ વાઘાણીએ જાહેરાત કરી હતી. જોકે ધોરણ 1 થી 5 માં ઓફલાઈન વર્ગમાં બાળકની હાજરી ફરજિયાત રહેશે નહિ. ધો-1થી 5ના ઓફલાઈન વર્ગો શરૂ કરવા અંગેના સરકારના નિર્ણય સામે કેટલાક વાલીઓએ નારાજગી પણ વ્યક્ત કરી હતી.

spot_img
spot_img
સંબંધિત લેખો
spot_img
spot_img

Most Popular

spot_img