પીએમ મોદી અને ન્યૂઝીલેન્ડના પીએમ લક્સન વચ્ચે દ્વિપક્ષીય બેઠક, મહત્વના MOU થયા
નવી દિલ્હી, 11 જુલાઈ 2026: ભારત અને ન્યૂઝીલેન્ડ વચ્ચેના સંબંધોને એક નવી ઊંચાઈ પર લઈ જવા માટે પ્રધાનમંત્રી નરેન્દ્ર મોદી અને ન્યૂઝીલેન્ડના પીએમ ક્રિસ્ટોફર લક્સન વચ્ચે ઓકલેન્ડમાં એક ઉચ્ચ સ્તરીય દ્વિપક્ષીય બેઠક યોજાઈ હતી. આ મહત્વપૂર્ણ વાતચીત દરમિયાન બંને વૈશ્વિક નેતાઓએ ભારત-ન્યૂઝીલેન્ડ ભાગીદારીની વ્યાપક સમીક્ષા કરી હતી અને વેપાર, સંરક્ષણ તેમજ આર્થિક સહયોગ સહિતના વિવિધ વ્યૂહાત્મક ક્ષેત્રોમાં દ્વિપક્ષીય સંબંધોને વધુ મજબૂત કરવા અંગે વિસ્તૃત ચર્ચા કરી હતી.
વિવિધ ક્ષેત્રોમાં ઐતિહાસિક કરારો
બંને નેતાઓએ ભારત-ન્યુઝીલેન્ડ ભાગીદારીની વ્યાપક સમીક્ષા કરી અને વેપાર, સંરક્ષણ અને આર્થિક સહયોગ સહિત વિવિધ ક્ષેત્રોમાં સંબંધોને મજબૂત બનાવવા અંગે ચર્ચા કરી. બેઠક બાદ બંને દેશો વચ્ચે સંરક્ષણ, રમતગમત, મેરિટાઇમ સહિતના ઘણા ક્ષેત્રોમાં મહત્વના MOU સાઇન કરવામાં આવ્યા છે. બંને દેશો વચ્ચે સમુદ્રી સહયોગ માટે એક મેમોરેન્ડમ ઓફ અરેન્જમેન્ટ સાઇન કરવામાં આવ્યું છે. સંરક્ષણ ક્ષેત્રનો કરાર લશ્કરી સહયોગ અને વ્યૂહાત્મક ભાગીદારીને પ્રોત્સાહન આપશે. પશુપાલન અને ડેરી કરાર સંશોધન, નવીનતા અને અદ્યતન ટેકનોલોજીના આદાનપ્રદાનને પ્રોત્સાહન આપશે. પ્રવાસન કરાર બંને દેશો વચ્ચે પ્રવાસન અને મુસાફરી સહયોગને વધારશે.
સંબંધોનો નવો અધ્યાય
આ બેઠક બાદ બંને દેશોના વડાઓએ વિશ્વાસ વ્યક્ત કર્યો હતો કે આ કરારો આગામી સમયમાં ભારત અને ન્યૂઝીલેન્ડ વચ્ચે આર્થિક અને વ્યાપારી સંબંધોને એક નવી દિશા આપશે. ખાસ કરીને સંરક્ષણ અને ટેકનોલોજીના ક્ષેત્રમાં થયેલી પ્રગતિથી બંને દેશોના વ્યૂહાત્મક હિતોને મોટો ફાયદો થશે.
વધુ વાંચો: ગાંધીનગર: હરિયાળી લોકસભા પ્રોજેક્ટ હેઠળ મોટાપાયે સ્થાનિક પ્રજાતિનાં વૃક્ષો વવાશે
