નવી દિલ્હી, 14 ઓગસ્ટ 2026: BombThreatAlert સ્વતંત્રતા દિવસ પહેલાં, દિલ્હીમાં પાંચ મુખ્ય સ્થળોને બોમ્બથી ઉડાવી દેવાની ધમકીઓ મળી છે. આ સ્થળોમાં દિલ્હી હાઈકોર્ટ, જામનગર હાઉસ, ઝંડેવાલાન ફ્લેટેડ ફેક્ટરી કોમ્પ્લેક્સ, એમબી સાકેત ઓફિસ/ડીએમ ઓફિસ, દિલ્હી એરપોર્ટનું ટર્મિનલ-3 અને દિલ્હી કેન્ટ સ્થિત એસડીએમ ઓફિસનો સમાવેશ થાય છે.
ફાયર વિભાગના જણાવ્યા અનુસાર, તમામ સ્થળોએ ફાયર ટેન્ડરો રવાના કરવામાં આવ્યા છે. જોકે, અત્યાર સુધીની તપાસમાં કંઈપણ શંકાસ્પદ જણાયું નથી.
ઈમેલ દ્વારા મળેલી ધમકીને પગલે તમામ પાંચ સ્થળોએથી લોકોને બહાર કાઢી લેવામાં આવ્યા છે અને પોલીસ તથા અન્ય તપાસ એજન્સીઓ તે સ્થળોએ તપાસ કરી રહી છે.
#WATCH | Outside visuals from the Delhi High Court where a bomb threat was received earlier today via email. Registrar General of the Delhi HC is in touch with the Delhi Police. https://t.co/JmKuCahj1q pic.twitter.com/2lnEL3Ifs9
— ANI (@ANI) August 14, 2026
હાઈકોર્ટના સંયુક્ત સચિવે શું કહ્યું?
ધમકી મળ્યા બાદ, દિલ્હી હાઈકોર્ટના સંયુક્ત સચિવ (વકીલ) કુણાલે જણાવ્યું હતું કે આ ધમકી માત્ર અફવા (hoax) હોય તેવું જણાય છે. સમગ્ર પરિસરમાં સ્થિતિ નિયંત્રણ હેઠળ છે. બોમ્બ સ્કવોડ અને સ્નિફર ડોગ્સ દ્વારા સમગ્ર હાઈકોર્ટ સંકુલની ઝીણવટભરી તપાસ કરવામાં આવી રહી છે. અત્યાર સુધી કોઈ શંકાસ્પદ કે ચિંતાજનક બાબત મળી આવી નથી.
