રશિયન રાષ્ટ્રપતિ વ્લાદિમીર પુતિને સામૂહિક સુરક્ષા સંધિ સંગઠન (CSTO) ના સમિટ માટે કિર્ગિસ્તાનની રાજધાની બિશ્કેકમાં પહોંચ્યા હતા. સમિટ દરમિયાન તેમણે પુનરોચ્ચાર કર્યો કે બિનશરતી યુદ્ધવિરામ શક્ય નથી.”યુક્રેન રશિયાના જે વિસ્તારોમાં પોતાનો દાવો કરે છે ત્યાંથી પોતાના સૈનિકો પાછા ખેંચે તો જ યુદ્ધવિરામ થઈ શકે છે… જો તેઓ નહીં કરે, તો અમે લશ્કરી માધ્યમોનો ઉપયોગ કરીને આમ કરીશું.” તેમણે એમ પણ કહ્યું કે રશિયા યુરોપ પર હુમલો કરવાની કોઈ યોજના બનાવી રહ્યું નથી અને આવી વાતચીત ‘વિચિત્ર’ લાગે છે.રાષ્ટ્રપતિ પુતિનનું આ નિવેદન મોસ્કોમાં ડોનાલ્ડ ટ્રમ્પના ખાસ દૂત, સ્ટીવ વિટકોકને મળ્યા પછી આવ્યું છે. પુતિને બિશ્કેકમાં એક પ્રેસ કોન્ફરન્સમાં કહ્યું કે “કોઈ વિકલ્પોને અંતિમ સ્વરૂપ આપવામાં આવ્યું નથી, પરંતુ કેટલીક બાબતો મૂળભૂત છે.”
ટ્રમ્પની શાંતિ યોજના રશિયા તરફી હોવાના દાવાઓ વચ્ચે, પુતિને સ્વીકાર્યું કે અમેરિકન પક્ષે રશિયાને અમુક હદ સુધી ધ્યાનમાં લીધું છે. તેમણે ભારપૂર્વક જણાવ્યું કે અમુક બાબતો પર બેસીને ગંભીરતાથી ચર્ચા કરવાની જરૂર છે.યુએસ પ્રમુખ ડોનાલ્ડ ટ્રમ્પે રશિયા અને યુક્રેન વચ્ચેના યુદ્ધને સમાપ્ત કરવા માટે ૨૮-મુદ્દાવાળી શાંતિ યોજનાનો પ્રસ્તાવ મૂક્યો હતો, જે રશિયન પક્ષને પહોંચાડવામાં આવી હતી.તાજેતરમાં, યુએસ, યુક્રેન અને ઘણા યુરોપિયન દેશોના પ્રતિનિધિઓ જીનીવામાં આ પ્રસ્તાવ પર ચર્ચા કરવા માટે ભેગા થયા હતા. આ ચર્ચાના પરિણામે, ટ્રમ્પની પ્રસ્તાવિત શાંતિ યોજના ૨૮ થી ઘટાડીને ૧૯ મુદ્દાઓ કરવામાં આવી છે. જોકે, આ અંતિમ યોજના હજુ સુધી જાહેર કરવામાં આવી નથી.
