નવી દિલ્હી, 29 ઓગસ્ટ 2026: દેશમાં ચોમાસાની આક્રમક રફતાર વચ્ચે હવામાન વિભાગ દ્વારા વધુ એક મુશ્કેલી વધારનારું ચેતવણી જારી કરવામાં આવી છે. હવામાન વિભાગના પૂર્વાનુમાન મુજબ, 30 ઓગસ્ટે ઉત્તર પ્રદેશ અને બિહાર સહિત દેશના 26 જેટલા રાજ્યોમાં મુસળધાર વરસાદનું રેડ/ઓરેન્જ એલર્ટ આપવામાં આવ્યું છે. આ દરમિયાન 90 કિલોમીટર પ્રતિ કલાકની ઝડપે તોફાની પવન ફૂંકાઈ શકે છે. ભારે આંધીના કારણે મોટા વૃક્ષો જડમૂળથી ઉખડીને રસ્તાઓ પર પડી શકે છે, જેથી સઘન જંગલ વિસ્તારોમાં મુસાફરી ન કરવાની સલાહ આપવામાં આવી છે. આ ઉપરાંત પહાડી રાજ્યોમાં ભૂસ્ખલન (લેન્ડસ્લાઈડ) અને પૂર્વ તથા પશ્ચિમ ભારતના કેટલાક ભાગોમાં વીજળી પડવાની ચેતવણી જારી કરાઈ છે.
ઉત્તર બંગાળની ખાડીથી ફૂંકાતા પવનો અને નીચલા ક્ષોભમંડળમાં સર્જાયેલા ચક્રવાતી પરિભ્રમણને કારણે હવામાન વધુ ખરાબ બન્યું છે. હવામાન વિભાગના જણાવ્યા અનુસાર, ઉત્તર પ્રદેશ, બિહાર, દિલ્હી, હરિયાણા, રાજસ્થાન, હિમાચલ પ્રદેશ, ઉત્તરાખંડ, પંજાબ, જમ્મુ-કાશ્મીર, લદાખ, ઝારખંડ, પશ્ચિમ બંગાળ, ઓડિશા, મધ્ય પ્રદેશ, છત્તીસગઢ, ગુજરાત, મહારાષ્ટ્ર, આસામ, ત્રિપુરા, નાગાલેન્ડ, સિક્કિમ, કેરળ, તમિલનાડુ, આંધ્ર પ્રદેશ, કર્ણાટક અને તેલંગાણામાં ભારે વરસાદનું જોખમ છે. 85 થી 90 કિમી પ્રતિ કલાકની ઝડપે પવન ફૂંકાવાથી ખેડૂતોના પાકને પણ નુકસાન થવાની આશંકા છે.
-
ઉત્તર ભારતના રાજ્યમાં ભારે વરસાદની આગાહી
દિલ્હીમાં હવામાનની સ્થિતિ: રાજધાની દિલ્હીમાં 30 ઓગસ્ટે ભારે વરસાદ અને તોફાનનું એલર્ટ છે. આ દરમિયાન 40 થી 50 કિમી પ્રતિ કલાકની ઝડપે પવન ફૂંકાઈ શકે છે. દિલ્હીમાં મહત્તમ તાપમાન 35 ડિગ્રી સેલ્સિયસ અને લઘુત્તમ તાપમાન 28 ડિગ્રી સેલ્સિયસ આસપાસ રહેવાની સંભાવના છે.
ઉત્તર પ્રદેશમાં વરસાદનું જોર: મથુરા, આગ્રા, ગાઝિયાબાદ, મેરઠ, કુશીનગર, સોનભદ્ર, મિર્ઝાપુર, હમીરપુર, ઝાંસી, લલિતપુર, મહોબા, રાયબરેલી, પ્રતાપગઢ, બાંદા, ફતેહપુર, કાનપુર, શામલી, બદાઉં, ઇટાવા, ગાઝીપુર, ગોરખપુર, પ્રયાગરાજ, દેવરિયા અને બસ્તીમાં ભારે વરસાદ અને વાવાઝોડાની ચેતવણી છે. લખનૌમાં મહત્તમ તાપમાન 31 ડિગ્રી અને લઘુત્તમ તાપમાન 27 ડિગ્રી સેલ્સિયસ રહેશે.
બિહારમાં વાવાઝોડા સાથે વરસાદઃ ગયા, ભોજપુર, સિવાન, જહાનાબાદ, ગોપાલગંજ, પટના, બક્સર, વૈશાલી, સમસ્તીપુર, દરભંગા, મધુબની, કિશનગંજ, પૂર્ણિયા, અરરિયા, ભાગલપુર, મુગેર, લખીસરાય, બેગુસરાય અને ખાગડિયામાં 55 થી 60 કિમી પ્રતિ કલાકની ઝડપે પવન ફૂંકાશે અને ભારે વરસાદ પડશે. પટનામાં મહત્તમ તાપમાન 33 ડિગ્રી અને લઘુત્તમ તાપમાન 28 ડિગ્રી સેલ્સિયસ સુધી જઈ શકે છે.
ઝારખંડમાં તોફાની પવનનું એલર્ટઃ જશેડપુર, સિમડેગા, રાંચી, દેવઘર, દુમકા, બોકારો, હજારીબાગ, ધનબાદ, રામગઢ, ખુંટી, પલામુ અને ચત્રામાં ભારે વરસાદની સાથે 70 કિમી પ્રતિ કલાકની ઝડપે તોફાની પવન ફૂંકાઈ શકે છે. રાંચીમાં મહત્તમ તાપમાન 29 ડિગ્રી અને લઘુત્તમ 24 ડિગ્રી સેલ્સિયસ રહેશે.
-
પહાડી રાજ્ય ઉત્તરાખંડ અને હિમાચલ પ્રદેશમાં એલર્ટ
ઉત્તરાખંડ: પિથોરાગઢ, ચમોલી, અલ્મોડા, બાગેશ્વર, નૈનીતાલ, હરિદ્વાર, ટીહરી ગઢવાલ, ઋષિકેશ અને પૌડી ગઢવાલમાં 50 કિમી પ્રતિ કલાકની ઝડપે પવન સાથે વરસાદ પડશે. દહેરાદૂનમાં મહત્તમ 27 અને લઘુત્તમ 23 ડિગ્રી તાપમાન રહેશે.
હિમાચલ પ્રદેશ: કુલ્લુ, કાંગડા, ચંબા, કિન્નૌર, મંડી, ઉના, હમીરપુર, સોલન, લાહોલ-સ્પીતિ અને શિમલામાં 45 થી 50 કિમીની ઝડપે પવન ફૂંકાશે. મનાલીમાં મહત્તમ તાપમાન 16 ડિગ્રી અને લઘુત્તમ 10 ડિગ્રી સેલ્સિયસ રહેશે.
જમ્મુ-કાશ્મીરમાં ભારે વરસાદની ચેતવણીઃ જમ્મુ, કિશ્તવાડ, પુંછ, બારામુલા, અનંતનાગ, રિયાસી, દાર્જિલિંગ, ઝારગ્રામ, ગાંદરબલ, ઉધમપુર, બાંદીપોરા અને મિરપુરમાં ભારે વરસાદ અને 65 થી 70 કિમી પ્રતિ કલાકની ઝડપે આંધી ફૂંકાવાની શક્યતા છે. શ્રીનગરમાં મહત્તમ તાપમાન 31 ડિગ્રી અને લઘુત્તમ 19 ડિગ્રી સેલ્સિયસ નોંધાઈ શકે છે.
