જમ્મુ-કશ્મીરમાં કોરોનાવાયરસના કેસ વધતા લોકોમાં ચિંતા વધી,આજથી નાઈટ કર્ફ્યું થશે લાગુ

• જમ્મુમાં કોરોના પોઝિટિવનો રેટ વધ્યો
• આજથી નાઇટ કર્ફ્યુ થશે લાગુ 
• રાત્રે 10 થી સવારે 6 વાગ્યા સુધી પ્રતિબંધ રહેશે

શ્રીનગર : જમ્મુ-કાશ્મીરમાં આજ રાતથી નાઇટ કર્ફ્યુ લાગુ કરી દેવામાં આવ્યું છે. હકીકતમાં, આ વિસ્તારમાં કોવિડ-19 સંક્રમણના દરમાં વધારો થવાને કારણે રાત્રિ કર્ફ્યુ લાદવાનો નિર્ણય લેવામાં આવ્યો છે. આ કર્ફ્યુ રાત્રે 10 વાગ્યાથી સવારે 6 વાગ્યા સુધી લાગૂ રહેશે. જિલ્લાના એક ઉચ્ચ જિલ્લા અધિકારીએ આ માહિતી આપી. દરેકને કોરોના નિયમોનું પાલન કરવા અને સંપૂર્ણ રસીકરણ કરવા સૂચના આપવામાં આવી છે.

કાશ્મીર ખીણમાં ફરી એકવાર કોવિડના કેસોની સંખ્યામાં વધારો થઈ રહ્યો છે અને છેલ્લા એક સપ્તાહથી કોવિડ હોસ્પિટલોમાં દાખલ થયેલા કેસોની સંખ્યા સાજા થઈ રહેલા કેસો કરતા ઘણી વધારે છે. શ્રીનગરને અડીને આવેલા ખોમોહ વિસ્તારમાં સ્થિત ડીઆરડીઓ હોસ્પિટલમાં દરરોજ દર્દીઓને દાખલ કરવામાં આવી રહ્યા છે. અધિકારીઓના જણાવ્યા અનુસાર, આ સંભવિત ત્રીજા કોવિડ તરંગના સંકેત તરીકે ગણી શકાય, જેની સામે લડવા માટે માત્ર કોવિડ યોગ્ય વર્તન જ મદદ કરી શકે છે.

જમ્મુ-કાશ્મીરના કોરોનાના આંકડાઓ પર નજર કરીએ તો આ આંકડો 3 લાખ 34 હજારને પાર કરી ગયો છે. તે જ સમયે, કોરોનાને કારણે અત્યાર સુધીમાં 4 હજાર 453 લોકોના મોત થયા છે. આ આંકડો દિવસેને દિવસે વધી રહ્યો છે, જેને ધ્યાનમાં રાખીને જમ્મુમાં 17 નવેમ્બરથી નાઈટ કર્ફ્યુ લગાવવાનો નિર્ણય લેવામાં આવ્યો છે.આ પહેલા કોવિડના વધતા જતા કેસોને ધ્યાનમાં રાખીને લેફ્ટનન્ટ ગવર્નર મનોજ સિન્હાએ કોવિડના યોગ્ય વર્તનનું કડક પાલન કરવાની સૂચના આપી હતી. તેમણે કહ્યું હતું કે,અસરગ્રસ્ત વિસ્તારોમાં કોરોના કર્ફ્યુ લાદવાની જોગવાઈ હશે તેમજ વધતા જતા કેસોને પહોંચી વળવા રણનીતિ બનાવવામાં આવશે.