માઉથવોશનો વધારે ઉપયોગ કરવો આરોગ્ય માટે બની શકે છે હાનિકારક
અમુક પ્રકારના માઉથવોશનો ઉપયોગ કરવાથી કેન્સરનું જોખમ વધે છે. તેમ બ્રિટેનના જાણીતા સર્જને જણાવ્યું હતું. જેથી તેમણે આ ખાસ પ્રકારના માઉથવોશથી દૂર રહેલા લોકોને અપીલ કરી છે. માઉથવોશના ઉપયોગથી કેન્સરનું જોખમ વધે છે તેવા કોઈ ચોક્કસ પુરાવા મળ્યા નથી. પરંતુ કેટલાક સંશોધનો દર્શાવે છે કે તે ચોક્કસપણે કેન્સરનું જોખમ વધારી શકે છે. એવું કહેવાય છે કે તે આલ્કોહોલથી બનેલું હોવાથી કેન્સરનું જોખમ વધારે છે. જો તેનો લાંબા સમય સુધી ઉપયોગ કરવામાં આવે તો મોઢાના કેન્સરનું જોખમ વધી જાય છે. જો કે, સંશોધનમાં કોઈ ચોક્કસ પુરાવા મળ્યા નથી કે તેનાથી કેન્સરનું જોખમ વધે છે. એક અભ્યાસમાં જાણવા મળ્યું છે કે દિવસમાં ત્રણ કે તેથી વધુ વખત અથવા 40 વર્ષથી વધુ સમય સુધી માઉથવોશનો ઉપયોગ મોઢાના કેન્સર સાથે સંકળાયેલ હોઈ શકે છે.
સંશોધનમાં જાણવા મળ્યું છે કે માઉથવોશ મોંમાં બેક્ટેરિયાને વધારે છે. આ બેક્ટેરિયા પેઢાના રોગ, ગળાનું કેન્સર, પેટનું કેન્સર તેમજ શરીરના અન્ય ભાગોમાં કેન્સરનું કારણ બની શકે છે. પેઢાનો રોગ શરીરના અન્ય ભાગોમાં પણ ફેલાઈ શકે છે. માઉથવોશનો ઉપયોગ કરવાથી ગળા અને પેટના કેન્સરનું જોખમ નોંધપાત્ર રીતે વધે છે. ઓરલ હેલ્થની સીધી અસર પેટ અને શરીર પર પડે છે. મોંની યોગ્ય સફાઈને કારણે, મોઢામાં ચેપ અને પેઢાના રોગનું જોખમ વધી જાય છે, જેમ કે પેઢામાં સોજો આવવાની સમસ્યા. પેઢામાં સોજો કેન્સરનું કારણ બની શકે છે. માઉથવોશમાં ફુસોબેક્ટેરિયમ ન્યુક્લિએટમ અને સ્ટ્રેપ્ટોકોકસ એન્જીનોસસનું પ્રમાણ વધે છે. જેના કારણે મોઢામાં બેક્ટેરિયા વધવા લાગે છે. જેના કારણે ગાંઠ વધવા લાગે છે, અને ભવિષ્યમાં તે કેન્સરનું રૂપ ધારણ કરે છે.
