Homeગુજરાતીજીવનશૈલીવારંવાર તરસ લાગવી અને ગળું સૂકાવું સામાન્ય નથી: આ ગંભીર બીમારીઓના હોઈ...

વારંવાર તરસ લાગવી અને ગળું સૂકાવું સામાન્ય નથી: આ ગંભીર બીમારીઓના હોઈ શકે છે સંકેત

પાણી પીધા પછી પણ જો ગળું સૂકાયેલું લાગતું હોય અને વારંવાર તરસ લાગતી હોય, તો તેને સામાન્ય બાબત સમજીને નજરઅંદાજ કરવી ભારે પડી શકે છે. તબીબોના મતે, આ લક્ષણ ભલે કોઈ સીધી બીમારી ન હોય, પરંતુ તે શરીરની અંદર ચાલી રહેલી કોઈ ગંભીર ગરબડ તરફ ઈશારો ચોક્કસ કરે છે. શરીરમાં પાણીની અછત (ડિહાઇડ્રેશન) ઉપરાંત આ પાછળના અન્ય મુખ્ય કારણો નીચે મુજબ હોઈ શકે છે:

  • ડાયાબિટીસનો પ્રારંભિક સંકેત

તજજ્ઞોના જણાવ્યા અનુસાર, અસામાન્ય રીતે વારંવાર તરસ લાગવી એ ડાયાબિટીસનું પ્રારંભિક લક્ષણ હોઈ શકે છે. જ્યારે બ્લડ શુગર લેવલ વધી જાય છે, ત્યારે શરીર પેશાબ દ્વારા વધારાનું ગ્લુકોઝ બહાર કાઢવાનો પ્રયત્ન કરે છે. આ પ્રક્રિયામાં શરીરમાંથી પાણી પણ ઝડપથી બહાર નીકળી જાય છે, જેના કારણે વારંવાર તરસ લાગ્યા કરે છે.

  • કિડનીની તકલીફ

કિડની આપણા શરીરમાં પાણી અને ઇલેક્ટ્રોલાઇટ્સનું સંતુલન જાળવવાનું મહત્વપૂર્ણ કામ કરે છે. જો કિડની યોગ્ય રીતે કામ ન કરતી હોય, તો આ સંતુલન બગડી જાય છે, જે વારંવાર તરસ લાગવાની સમસ્યાનું કારણ બને છે.

  • ડાયાબિટીસ ઇન્સિપિડસ

આ એક એવી સ્થિતિ છે જેમાં શરીરમાં એક ખાસ હોર્મોનની ઉણપ સર્જાય છે. તેના કારણે વ્યક્તિને ખૂબ જ વધારે તરસ લાગવાની સાથે-સાથે વારંવાર પેશાબ પણ આવે છે.

  • મોં સૂકાવું (ડ્રાય માઉથ)

ક્યારેક મોંમાં પૂરતા પ્રમાણમાં લાળ ન બનવાના કારણે પણ તરસ લાગ્યા કરતી હોય છે. આ સ્થિતિમાં ગળું, જીભ અને હોઠ સૂકાઈ શકે છે. કેટલીક દવાઓની આડઅસરના કારણે પણ આ સમસ્યા થઈ શકે છે.

  • ડોક્ટરનો સંપર્ક ક્યારે કરવો?

જો આ લક્ષણ સતત જળવાઈ રહે, ખાસ કરીને એવા લોકોમાં જેમને અગાઉથી જ ડાયાબિટીસ, કિડની કે હોર્મોનને લગતી કોઈ બિમારી હોય, તો તુરંત તબીબી સલાહ લેવી જોઈએ. બાળકો અને વડીલોના કિસ્સામાં આ લક્ષણ ગંભીર સાબિત થઈ શકે છે, તેથી સમયસર નિદાન અને યોગ્ય સારવાર અનિવાર્ય છે.

spot_img
spot_img
સંબંધિત લેખો
spot_img
spot_img

Most Popular

spot_img