નવી દિલ્હી, 17 સપ્ટેમ્બર 2026: વડાપ્રધાન નરેન્દ્ર મોદીએ આજે નવી દિલ્હીના યશોભૂમિ સંકુલમાં ‘સેમિકોન ઈન્ડિયા 2026’નું ઉદ્ઘાટન કર્યું. ત્રણ દિવસીય આ પરિષદનો મુખ્ય ઉદ્દેશ્ય ભારતમાં સહયોગ, રોકાણ, નવીનતા અને પ્રતિભાને પ્રોત્સાહન આપવાનો છે. આ કાર્યક્રમમાં 600થી વધુ પ્રદર્શકો, 300 આંતરરાષ્ટ્રીય કંપનીઓ અને 50થી વધુ દેશોના પ્રતિનિધિ મંડળો ભાગ લઈ રહ્યા છે. આ પ્રદર્શનમાં જાપાન, દક્ષિણ કોરિયા, મલેશિયા, નેધરલેન્ડ, સિંગાપોર અને સ્વીડનનું પ્રતિનિધિત્વ કરતા છ દેશોના પેવેલિયન તેમજ ભારતના બાર રાજ્યોની સરકારોના પેવેલિયન અને સ્ટાર્ટઅપ્સ માટેનું એક વિશેષ પેવેલિયન સામેલ છે.
આ પરિષદ અને પ્રદર્શન ‘સિલિકોન ટુ સિસ્ટમ્સ: બિલ્ડિંગ ધ ઇકોસિસ્ટમ’ (Silicon to Systems: Building the Ecosystem) વિષય પર આધારિત છે. તેમાં સેમિકન્ડક્ટર અને ઇલેક્ટ્રોનિક્સ ક્ષેત્રની વૈશ્વિક તથા ભારતીય કંપનીઓ, નીતિ-નિર્ધારકો, રોકાણકારો, સંશોધકો, સ્ટાર્ટઅપ્સ, શૈક્ષણિક સંસ્થાઓ અને વિદ્યાર્થીઓ ભાગ લઈ રહ્યા છે.
વધુ વાંચો: ખડગે, રાહુલ સહિત અનેક વિપક્ષી નેતાઓએ વડાપ્રધાન મોદીને જન્મદિવસની શુભેચ્છા પાઠવી
