કાઠમંડુ, 16 સપ્ટેમ્બર 2026: ઉત્તર-પશ્ચિમ નેપાળમાં વહેલી સવારે ભૂકંપના સતત બે આંચકા અનુભવાયા હતા. આ આંચકાઓને કારણે લોકોમાં ગભરાટ ફેલાઈ ગયો છે. જોકે, અત્યાર સુધી કોઈ જાનહાનિ કે નુકસાનના અહેવાલ નથી.
નેપાળમાં ત્રણ કલાકના ગાળામાં ભૂકંપના બે આંચકા અનુભવાયા હતા. પ્રથમ ભૂકંપની તીવ્રતા 4.5 અને બીજાની તીવ્રતા 4.2 હતી.
ત્રણ કલાકમાં બે વાર ભૂકંપ આવ્યો
રાષ્ટ્રીય ભૂકંપ સંશોધન કેન્દ્રના જણાવ્યા અનુસાર, ભૂકંપનો પ્રથમ આંચકો સવારે 1:51 વાગ્યે (સ્થાનિક સમય મુજબ) નોંધાયો હતો. આ આંચકાની તીવ્રતા રિક્ટર સ્કેલ પર 4.5 માપવામાં આવી હતી.
દરમિયાન, ત્રણ કલાકની અંદર બીજી વખત ભૂકંપના આંચકા અનુભવાયા હતા. સવારે 4:28 વાગ્યે (સ્થાનિક સમય મુજબ) રિક્ટર સ્કેલ પર 4.2ની તીવ્રતાનો બીજો ભૂકંપ આવ્યો હતો, જેનું કેન્દ્રબિંદુ પણ મુગુ જિલ્લાના કલાઈ વિસ્તાર નજીક હતું. આ આંચકા પાડોશી જિલ્લાઓ ડોલ્પા અને જુમલામાં પણ અનુભવાયા હતા.
ભૂકંપની દ્રષ્ટિએ સંવેદનશીલ ક્ષેત્રમાં સ્થિત, નેપાળમાં વારંવાર ભૂકંપ આવે છે. આ પ્રદેશ એલર્ટ પર છે, અને અધિકારીઓ કોઈપણ આફ્ટરશોક અથવા સંભવિત માળખાકીય નુકસાન માટે અસરગ્રસ્ત વિસ્તારોનું નિરીક્ષણ કરી રહ્યા છે.
જોકે, આજે આવેલા ભૂકંપને કારણે નુકસાન થયાના કોઈ અહેવાલ અત્યાર સુધી મળ્યા નથી. તેમ છતાં, તમામ વિસ્તારો પર નજર રાખવામાં આવી રહી છે.
વધુ વાંચો: અમેરિકામાં બસ અકસ્માતનું કવરેજ કરી રહેલું મીડિયા હેલિકોપ્ટર ક્રેશ, ત્રણનાં મોત
