નવી દિલ્હી, 17 સપ્ટેમ્બર 2026: કોંગ્રેસ અધ્યક્ષ મલ્લિકાર્જુન ખડગે અને લોકસભામાં વિપક્ષના નેતા રાહુલ ગાંધી સહિત વિપક્ષના અનેક દિગ્ગજ નેતાઓએ ગુરુવારે વડાપ્રધાન નરેન્દ્ર મોદીને જન્મદિવસની શુભેચ્છાઓ પાઠવી હતી અને તેમના સારા સ્વાસ્થ્ય તથા દીર્ઘાયુની કામના કરી હતી.
સોશિયલ મીડિયા પ્લેટફોર્મ ‘X’ પરની એક પોસ્ટમાં ખડગેએ કહ્યું, “વડાપ્રધાન શ્રી નરેન્દ્ર મોદીજીને તેમના જન્મદિવસ પર શુભેચ્છાઓ. હું તેમના સારા સ્વાસ્થ્ય અને દીર્ઘાયુ માટે ઈશ્વરને પ્રાર્થના કરું છું.”
કોંગ્રેસના પૂર્વ અધ્યક્ષ રાહુલ ગાંધીએ પણ વડાપ્રધાનને જન્મદિવસની શુભેચ્છા પાઠવી હતી. તેમણે ‘X’ પર પોસ્ટ કર્યું, “વડાપ્રધાન નરેન્દ્ર મોદીજીને જન્મદિવસની શુભેચ્છાઓ. હું તેમના સારા સ્વાસ્થ્ય અને દીર્ઘાયુની કામના કરું છું.”
સમાજવાદી પાર્ટી (SP)ના અધ્યક્ષ અખિલેશ યાદવે કહ્યું, “વડાપ્રધાનને જન્મદિવસની શુભેચ્છાઓ અને તેમના સ્વસ્થ, સક્રિય તથા અર્થપૂર્ણ જીવન માટે શુભકામનાઓ.”
બહુજન સમાજ પાર્ટી (BSP)ના વડા માયાવતીએ વડાપ્રધાનને તેમના 76મા જન્મદિન પર અભિનંદન પાઠવ્યા.
તેમણે ‘X’ પર કહ્યું, “આજે વડાપ્રધાન શ્રી નરેન્દ્ર મોદીજીને તેમના ૭૬મા જન્મદિન નિમિત્તે હાર્દિક અભિનંદન અને તેમના સ્વસ્થ જીવન માટે શુભેચ્છાઓ.”
દ્રવિડ મુનેત્ર કઝગમ (DMK) ના પ્રમુખ એમ.કે. સ્ટાલિને પણ વડાપ્રધાનને જન્મદિવસની શુભેચ્છાઓ પાઠવી.
તેમણે કહ્યું, “માનનીય વડાપ્રધાન નરેન્દ્ર મોદીને જન્મદિવસની હાર્દિક શુભેચ્છાઓ. હું તેમના સારા સ્વાસ્થ્ય, સુખ અને દીર્ઘાયુની કામના કરું છું.”
વધુ વાંચો: PM વિશ્વકર્મા યોજનાને પૂર્ણ થયા ત્રણ વર્ષ
