દિલ્હીઃ- પ્રધાન મંત્રી નરેન્દ્ર મોદી સાઉથ આફ્રિકાના બ્રિક્સ સમ્મેલનમાં હાજરી પતાવીને આજે વહેલી સવારે તેઓ ગ્રીસ જવા માટે રવાના થયા હતા ત્યારે હવે પીએમ મોદી ગ્રીસની મુલાકાતે પહોંચી ચૂક્યા છે.
પ્રાપ્ત માહિતી પ્રમાણે પીએમ મોદીએ તેમની એક દિવસીય મુલાકાત દરમિયાન આજે ગ્રીસની રાજધાની એથેન્સમાં ઉતર્યા હતા. એરપોર્ટ પર ભારતના પીએમનું ભવ્ય સ્વાગત કરવામાં આવ્યું હતું.ઉલ્લેખનીય છે કે 40 વર્ષ બાદ કોઈ ભારતીય વડાપ્રધાન ગ્રીસની મુલાકાતે પહોચ્યા છે
ગ્રીસના એથેન્સમાં ભારત માતા કી જય, વંદે માતરમ અને મોદી જી ઝિંદાબાદના નારા લગાવ્યા હતા. વડાપ્રધાન મોદીની ગ્રીસ મુલાકાતને ઘણી મહત્વની માનવામાં આવી રહી છે. આ પહેલા ભારતના તત્કાલિન વડાપ્રધાન ઈન્દિરા ગાંધી સપ્ટેમ્બર 1983માં ગ્રીસની મુલાકાતે ગયા હતા.
ગ્રીસમાં ભારતના રાજદૂત રુદ્રેન્દ્ર ટંડને જણાવ્યું હતું કે પીએમ મોદીની ગ્રીસની ઐતિહાસિક મુલાકાત અને ટોચના નેતૃત્વ સાથેની મુલાકાત તેમના ગાઢ દ્વિપક્ષીય સંબંધોને ખાસ કરીને વેપાર, લોકો વચ્ચેના સંપર્ક અને સુરક્ષા જેવા ક્ષેત્રોમાં “નવી ગતિ” આપશે,
જાણકારી પ્રમાણે પીએમ મોદી ગ્રીસના વડાપ્રધાન કિરિયાકોસ મિત્સોટાકિસના ખાસ આમંત્રણ પર ત્યાં પહોંચ્યા છે. ભૂમધ્ય દ્વીપની તેમની એક દિવસીય મુલાકાત દરમિયાન, પીએમ ઘણા કરારો પર હસ્તાક્ષર કરશે અને અન્ય વચ્ચે વેપાર અને રોકાણ, શિપિંગ જેવા મુદ્દાઓ પર ચર્ચા કરશે.
મીડિયા રિપોર્જટસ મુજબ ગ્રીસ ભારત માટે યુરોપમાં મુખ્ય પ્રવેશ બિંદુ તરીકે પોતાને સ્થાન આપવાના ધ્યેય સાથે, તેના એરપોર્ટ અને દરિયાઈ બંદરોના ખાનગીકરણમાં ભારતની સહાયની નોંધણી કરવાની સંભાવના પર વિચાર કરી રહ્યું છે. નોંધનીય છે કે, 40 વર્ષમાં કોઈ ભારતીય પીએમ દ્વારા ભૂમધ્ય દ્વીપ પર આ પ્રથમ વખત હશે.
