નવી દિલ્હીઃ દેશના મોટાભાગના રાજ્યોમાં ચોમાસાએ વિદાય લીધી છે. જ્યારે કેટલાક સ્થળોએ હજુ પણ ચોમાસું સક્રિય છે. આ દરમિયાન હવામાન વિભાગે દક્ષિણ ભારત અને પૂર્વોત્તર ભારતના ઘણા રાજ્યોમાં આગામી 24 કલાકમાં ભારે વરસાદની ચેતવણી જારી કરી છે. આગામી દિવસોમાં દિલ્હીના હવામાનમાં કોઈ ખાસ ફેરફાર નહીં થાય.
45 કિમી પ્રતિ કલાકની ઝડપે પવન ફૂંકાઈ શકે છે
હવામાન વિભાગે તમિલનાડુ, કેરળ, અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, પુડુચેરી, કરાઈકલ અને તટીય કર્ણાટકમાં ભારે વરસાદ માટે યલો એલર્ટ જાહેર કર્યું છે. રાયલસીમા, તેલંગાણા, તટીય આંધ્રપ્રદેશમાં આજે છૂટાછવાયાથી મધ્યમ વરસાદની સંભાવના છે. IMD મુજબ 11 ઓક્ટોબર સુધી 35-45 કિમી પ્રતિ કલાકની ઝડપે પવન ફૂંકાઈ શકે છે.
મહારાષ્ટ્રમાં ચોમાસુ ટૂંક સમયમાં વિદાય લેશે
ઉત્તર-પશ્ચિમ, પશ્ચિમ, પૂર્વ અને મધ્ય ભારત માટે, હવામાન વિભાગે કોઈ વરસાદની આગાહી કરી નથી. તો દિલ્હીમાં આકાશ આંશિક વાદળછાયું રહેશે અને દિવસનું મહત્તમ તાપમાન 35 ડિગ્રી સેલ્સિયસ સુધી પહોંચવાની શક્યતા છે. હવામાન વિભાગના જણાવ્યા અનુસાર દિવસનું લઘુત્તમ તાપમાન 23 ડિગ્રી સેલ્સિયસ રહેવાની શક્યતા છે. ગુજરાત, મધ્યપ્રદેશ અને મહારાષ્ટ્રમાં ચોમાસુ ટૂંક સમયમાં વિદાય લેશે. જ્યારે દિલ્હી, હરિયાણા અને ઉત્તર પ્રદેશના ઘણા ભાગોમાંથી ચોમાસાએ વિદાય લીધી છે.
માછીમારોને દરિયામાં જવાની ન જવાની સૂચના પાઠવામાં આવી
હવામાન વિભાગનું કહેવું છે કે આ અઠવાડિયે પૂર્વોત્તર રાજ્યો, ખાસ કરીને નાગાલેન્ડ, મણિપુર, મિઝોરમ અને ત્રિપુરામાં અલગ-અલગ સ્થળોએ ભારે વરસાદની સંભાવના છે. હવામાન વિભાગે કહ્યું કે 8 થી 11 ઓક્ટોબર દરમિયાન માલદીવ, લક્ષદ્વીપ કોમોરિન વિસ્તારો, દક્ષિણ-પૂર્વ અરબી સમુદ્રના ઘણા ભાગો, કૈલોંગ અને કેરળ, કર્ણાટકના દરિયાકાંઠે 35 કિમી પ્રતિ કલાકની ઝડપે પવન ફુંકાશે. મન્નારની ખાડીમાં 45 કિમી પ્રતિ કલાકની ઝડપે પવન ફૂંકાવાની શક્યતા છે. તેથી માછીમારોને આ વિસ્તારોમાં ન જવાની સૂચના આપવામાં આવે છે.