તેહરાન, 30 જુલાઈ 2026: મધ્ય પૂર્વમાં ચાલી રહેલા તણાવ વચ્ચે ઈરાનની ઇસ્લામિક રેવોલ્યુશનરી ગાર્ડ કોર્પ્સ (IRGC) એ એક ચોંકાવનારો દાવો કર્યો છે. સ્થાનિક મીડિયા અહેવાલો મુજબ, IRGC એ જણાવ્યું છે કે તેની એરોસ્પેસ ફોર્સે જોર્ડન સ્થિત અમેરિકી એરબેઝ અને યુએસ સેન્ટ્રલ કમાન્ડના મુખ્યાલયને નિશાન બનાવીને બેલેસ્ટિક મિસાઈલ હુમલા કર્યા છે.
ઈરાન પર અમેરિકી સેના દ્વારા કરવામાં આવેલા હુમલાના જવાબમાં આ કાર્યવાહી કરવામાં આવી હોવાનું IRGC ના સત્તાવાર નિવેદનમાં જણાવવામાં આવ્યું છે. ઈરાને ચેતવણી આપી છે કે જ્યાં સુધી અમેરિકા તરફથી ધમકીઓ અને ગેરકાયદેસર પ્રવૃત્તિઓ ચાલુ રહેશે, ત્યાં સુધી તેમનો પ્રતિકાર ચાલુ રહેશે.
અમેરિકા દ્વારા હુમલો નિષ્ફળ: યુએસ સેન્ટ્રલ કમાન્ડે સોશિયલ મીડિયા પ્લેટફોર્મ ‘X’ પર માહિતી આપી છે કે ઈરાન તરફથી અમેરિકીળો પર સરપ્રાઈઝ હુમલાના ભાગરૂપે બહુવિધ બેલેસ્ટિક મિસાઈલો છોડવામાં આવી હતી. જોકે, અમેરિકી સૈન્યએ તમામ ઈરાની મિસાઈલોને સફળતાપૂર્વક હવામાં જ તોડી પાડી હતી (Intercept). અમેરિકી દળો કોઈપણ સ્થિતિનો સામનો કરવા માટે હાઇ એલર્ટ પર છે.
આ ઘટના તાજેતરના દિવસોમાં પશ્ચિમ એશિયામાં વધી રહેલા તણાવની કડીરૂપ છે. અગાઉ ૨૪ જુલાઈના રોજ પણ IRGC એ કુવેત, બહેરીન અને જોર્ડનમાં અમેરિકી ઠેકાણાઓ પર બદલાની કાર્યવાહી કરવાનો દાવો કર્યો હતો. IRGC એ કુવેતના અલી અલ સાલેમ એરબેઝ પર કમાલિકા ડ્રોન દ્વારા યુએસ દારૂગોળાના ડેપોને નષ્ટ કરવાનો દાવો કર્યો હતો. આ ઉપરાંત બહેરીનમાં યુએસ ફિફ્થ ફ્લીટના હેડક્વાર્ટર અને કુવેતના અલ-અદિરી કેમ્પને પણ નિશાન બનાવવામાં આવ્યા હતા.
જોર્ડનના અલ-અઝરક એરબેઝ પર યુએસ ફાઈટર એરક્રાફ્ટ અને બેરેક્સને નુકસાન પહોંચાડ્યાનો દાવો કરાયો હતો. તેમજ ઇરાકના એર્બિલમાં પેટ્રિઅટ એર ડિફેન્સ સિસ્ટમ અને જાસૂસી ફુગ્ગાને પણ નષ્ટ કર્યા હોવાનું જણાવવામાં આવ્યું હતું. આ સૈન્ય સંઘર્ષોએ વૈશ્વિક સ્તરે ચિંતા વધારી દીધી છે, કારણ કે અમેરિકા અને ઈરાન વચ્ચે સીધી સૈન્ય ટક્કર મધ્ય પૂર્વની શાંતિ માટે મોટો ખતરો બની રહી છે.
