નવી દિલ્હી, 21 ઓગસ્ટ 2026: સુપ્રીમ કોર્ટે પ્રવેશ-સ્તરની ન્યાયિક સેવા પરીક્ષાઓમાં બેસનારા કાયદાના સ્નાતકો માટેની ત્રણ વર્ષની ફરજિયાત કાનૂની પ્રેક્ટિસની શરતને ઘટાડીને એક વર્ષ કરી દીધી છે. કોર્ટે આ અંગે ગયા વર્ષે આપેલા પોતાના જ ચુકાદામાં સુધારો કર્યો છે. મુખ્ય ન્યાયાધીશ સૂર્ય કાંત તથા ન્યાયાધીશ એ.જી. મસીહ અને ન્યાયાધીશ કે. વિનોદ ચંદ્રનની બનેલી ખંડપીઠે પુનર્વિચારણા અરજી ફગાવી દેવાની સાથે 2-1ની બહુમતીથી આ ચુકાદો આપ્યો હતો.
ન્યાયપીઠે જણાવ્યું હતું કે 25 મે, 2025 અને 31 માર્ચ, 2027ની વચ્ચે જાહેર કરાયેલી ન્યાયિક સેવા પરીક્ષાઓમાં બેસનારા ઉમેદવારો અગાઉના અનુભવ વિના પણ પાત્ર ગણાશે. જોકે, આ પરીક્ષાઓ દ્વારા પસંદ કરાયેલા ઉમેદવારોની શરૂઆતમાં તાલીમાર્થી ન્યાયિક અધિકારી તરીકે નિમણૂક કરવામાં આવશે. તેમણે ન્યાયિક અકાદમીમાં એક વર્ષની તાલીમ લેવી પડશે અને ત્યારબાદ એક વર્ષની સ્ટ્રક્ચર્ડ ક્લાર્કશિપ એટલે કે વ્યવહારુ તાલીમ પૂર્ણ કરવી પડશે.
ગયા વર્ષે 20 મેના રોજ, સર્વોચ્ચ અદાલતે નવા કાયદા સ્નાતકોને ન્યાયિક સેવાની પ્રવેશ-સ્તરની પરીક્ષા આપતા અટકાવ્યા હતા અને તે માટે ઓછામાં ઓછા ત્રણ વર્ષની કાયદાકીય પ્રેક્ટિસ ફરજિયાત બનાવી હતી.
વધુ વાંચો: અમેરિકાએ ઈરાન પર ઈતિહાસના સૌથી કઠોર આર્થિક પ્રતિબંધો લાદવાની ચેતવણી આપી
