અમરાવતી, 25 જૂન 2026 : મેગાસ્ટાર રામ ચરણ અને આંધ્રપ્રદેશના ડેપ્યુટી ચીફ મિનિસ્ટર પવન કલ્યાણ વચ્ચે તાજેતરમાં અમરાવતીમાં એક ખાસ મુલાકાત યોજાઈ હતી. અભિનેતા રામ ચરણે આ મુલાકાતની કેટલીક સુંદર ઝલક સોશિયલ મીડિયા પર શેર કરી છે અને સાથે જ એક ખાસ નોટ પણ લખી છે, જે હાલ સોશિયલ મીડિયા પર ભારે વાયરલ થઈ રહી છે. રામ ચરણે પોતાના ઓફિશિયલ એક્સ (અગાઉનું ટ્વિટર) એકાઉન્ટ પર મુલાકાતની તસવીરો શેર કરી છે. આ ફોટોઝ પોસ્ટ કરતા તેમણે લખ્યું, “ગરૂ (પવન કલ્યાણ) સાથે એક શાનદાર સાંજ વિતાવી. અમરાવતીમાં બની રહેલી ‘જનસેના પાર્ટી’ની નવી ઓફિસની પ્રગતિ જોઈને ખૂબ જ આનંદ થયો. આગામી સફર માટે આખી ટીમને મારી હાર્દિક શુભેચ્છાઓ.” શેર કરાયેલી તસવીરોમાં રામ ચરણ અને પવન કલ્યાણ સાથે જોવા મળી રહ્યા છે. આ મુલાકાત એક તરફ પારિવારિક સમય જેવી હતી, તો બીજી તરફ રામ ચરણે પાર્ટીના નવા હેડક્વાર્ટરના ચાલી રહેલા કામની પણ નજીકથી સમીક્ષા કરી હતી.
Spent a lovely evening with @PawanKalyan Garu ❤️
It was great to see the progress of the new @JanaSenaParty office in Amaravati. Wishing the entire team continued success on their journey ahead. pic.twitter.com/0kfP3S4XxW
— Ram Charan (@AlwaysRamCharan) June 24, 2026
આ પોસ્ટ સોશિયલ મીડિયા પર આવતાની સાથે જ બંને સ્ટાર્સના ફેન્સમાં ભારે ઉત્સાહ જોવા મળ્યો હતો. ચાહકોએ કાકા-ભત્રીજા (પવન કલ્યાણ અને રામ ચરણ) વચ્ચેના આ ખાસ બોન્ડિંગ અને પ્રેમની સોશિયલ મીડિયા પર ખૂબ પ્રશંસા કરી છે. અત્રે ઉલ્લેખનીય છે કે, પવન કલ્યાણ હાલમાં આંધ્રપ્રદેશના ડેપ્યુટી ચીફ મિનિસ્ટર છે. ફિલ્મ ઈન્ડસ્ટ્રીની સાથે-સાથે રાજકારણમાં પણ તેમનું ખૂબ મોટું નામ છે અને તેમની ‘જનસેના પાર્ટી’ રાજ્યની શાસક ગઠબંધન સરકારનો એક મહત્વનો હિસ્સો છે. રામ ચરણના વર્ક ફ્રન્ટની વાત કરીએ તો, તેઓ છેલ્લે ડાયરેક્ટર બુચી બાબુ સાનાની ફિલ્મ ‘પેદ્દી’માં જોવા મળ્યા હતા. આ ફિલ્મે બોક્સ ઓફિસ પર 300 કરોડ રૂપિયાથી વધુની શાનદાર કમાણી કરી હતી અને મિશ્ર પ્રતિસાદ છતાં થિયેટરોમાં બ્લોકબસ્ટર સાબિત થઈ હતી. રામ ચરણ આજકાલ પોતાના પ્રોફેશનલ કામની સાથે-સાથે પરિવાર સાથે વિતાવેલી ખાસ પળો પણ ફેન્સ સાથે શેર કરતા રહે છે.
