નવી દિલ્હી, 6 ઓક્ટોબર 2026: સંરક્ષણ મંત્રાલયે 6 ઓક્ટોબર 2026 ના રોજ નવી દિલ્હી ખાતે ‘બાય (ઇન્ડિયન-IDDM)’ શ્રેણી હેઠળ ભારતીય નૌકાદળના જહાજો માટે બ્રહ્મોસ ફાયર કંટ્રોલ સિસ્ટમ અને લોન્ચર્સની ખરીદી માટે બ્રહ્મોસ એરોસ્પેસ પ્રાઇવેટ લિમિટેડ સાથે કરાર પર હસ્તાક્ષર કર્યા છે. રૂ. 661.50 કરોડના મૂલ્યના આ કરાર પર સંરક્ષણ સચિવ શ્રી રાજેશ કુમાર સિંહની ઉપસ્થિતિમાં હસ્તાક્ષર કરવામાં આવ્યા હતા.
ઓછામાં ઓછા 68% સ્વદેશી સામગ્રી સાથે, આ પ્રોજેક્ટ MSMEs સહિત વિવિધ ભારતીય ઉદ્યોગોની સક્રિય ભાગીદારીને પ્રોત્સાહિત કરે છે. આ પ્રોજેક્ટ ત્રણ વર્ષના સમયગાળા દરમિયાન રોજગારીનું સર્જન કરશે. આ ઉપરાંત, તે ભારતની દરિયાઈ સુરક્ષા પ્રણાલી અને સંરક્ષણ ક્ષમતાઓને મજબૂત બનાવે છે તથા અદ્યતન સૈન્ય ટેકનોલોજીના સ્વદેશીકરણના ચાલુ પ્રયાસોમાં એક મહત્વપૂર્ણ માઇલસ્ટોન દર્શાવે છે.
વિવિધ મોખરાના યુદ્ધ જહાજો પર ફીટ કરવામાં આવેલી બ્રહ્મોસ સિસ્ટમ એ દરિયાઈ હુમલાની કામગીરી માટે ભારતીય નૌકાદળની મુખ્ય સરફેસ ટુ સરફેસ મિસાઇલ સિસ્ટમ છે. આ શસ્ત્ર પ્રણાલી સુપરસોનિક ઝડપે અને ચોક્કસ સચોટતા સાથે દૂરના અંતરેથી જમીન અને દરિયાઈ લક્ષ્યોને નિશાન બનાવવામાં સક્ષમ છે.
