દિલ્હી:નાગાલેન્ડમાં NDPP-BJP સરકાર 7 માર્ચે વડાપ્રધાન નરેન્દ્ર મોદીની હાજરીમાં શપથ લેશે. સત્તાવાર સૂત્રોએ અહીં આ માહિતી આપી હતી.
નેશનાલિસ્ટ ડેમોક્રેટિક પ્રોગ્રેસિવ પાર્ટી (NDPP) અને ભારતીય જનતા પાર્ટી (BJP) 40:20 સીટ-વહેંચણીની ફોર્મ્યુલા સાથે 60-સભ્યોની રાજ્ય વિધાનસભાની ચૂંટણી લડ્યા અને સતત બીજી મુદત માટે સત્તા પર પાછા ફર્યા.એનડીપીપી અને ભાજપે અનુક્રમે 25 અને 12 બેઠકો પર ચૂંટણી જીતી હતી.
રાજ્યમાં વિધાનસભાની ચૂંટણી 27 ફેબ્રુઆરીએ યોજાઈ હતી.જોકે ગઠબંધનમાંથી કોઈએ અત્યાર સુધી નવી સરકાર બનાવવાનો દાવો કર્યો નથી,પરંતુ ભાજપે પહેલાથી જ સ્પષ્ટ કરી દીધું છે કે NDPP પ્રમુખ નેફિયુ રિયો મુખ્યમંત્રી તરીકે ચાલુ રહેશે.2018ની ચૂંટણીમાં, એનડીપીપી અને ભાજપે સમાન ફોર્મ્યુલા પર વિધાનસભા ચૂંટણી લડી હતી અને અનુક્રમે 18 અને 12 બેઠકો જીતી હતી.
