વીરતાનું રતન CDS બિપિન રાવતના નિધન પર રાષ્ટ્રપતિ રામનાથ કોવિંદ, PM મોદી, રક્ષા મંત્રી, ગૃહમંત્રીએ દુ:ખ વ્યક્ત કર્યું
- હેલિકોપ્ટર ક્રેશમાં CDS બિપિન રાવતનું નિધન
- પીએમ મોદી, રક્ષા મંત્રી રાજનાથ સિંહ, ગૃહ મંત્રી અમિત શાહે દુ:ખ વ્યક્ત કર્યું
- CDS બિપિન રાવત સહિત તેમના પત્નિ અને અન્ય સશસ્ત્ર દળોના જવાનોના પણ મોત
નવી દિલ્હી: આજે બપોરે તામિલનાડુના કૂન્નુરમાં વાયુસેનાનું હેલિકોપ્ટર દૂર્ઘટનાગ્રસ્ત થયું હતું. આ હેલિકોપ્ટર ક્રેશમાં CDS બિપિન રાવત સહિત તેમના પત્નિ મધુલિકા રાવતનું પણ નિધન થયું છે. વાયુસેનાએ તેમના મોતની પુષ્ટિ કરી છે.
બુધવારે બપોરે તામિલનાડુના કુન્નૂરની પાસે વાયુસેનાનું Mi-17V5 હેલિકોપ્ટર દુર્ઘટનાગ્રસ્ત થયું હતું. આ હેલિકોપ્ટરને ખૂબ જ સુરક્ષિત માનવામાં આવે છે. આ હેલિકોપ્ટરમાં સવાર અન્ય 13 સૈન્ય અધિકારીઓનું પણ નિધન થયું છે.
CDS બિપિન રાવતના નિધન પર રક્ષામંત્રી રાજનાથ સિંહ, પીએમ મોદી, ગૃહ મંત્રી અમિત શાહે પણ દુ:ખ વ્યક્ત કર્યું છે.
પીએમ મોદીએ ચીફ ઓફ ડિફેન્સ સ્ટાફ બિપિન રાવતના નિધન પર દુ:ખ વ્યક્ત કરતા કહ્યું હતું કે, તામિલનાડુમાં હેલિકોપ્ટર ક્રેશની દુર્ઘટનાથી ખૂબ જ દુખી છું. જેમાં આપણે જનરલ બિપિન રાવત, તેમના પત્ની અને સશસ્ત્ર દળોના અન્ય કર્મીઓને ગુમાવી દીધા છે. તેમણે સંપૂર્ણ લગન સાથે ભારતની સેવા કરી. શોકગ્રસ્ત પરિવારો સાથે મારી સંવેદનાઓ છે.
Gen Bipin Rawat was an outstanding soldier. A true patriot, he greatly contributed to modernising our armed forces and security apparatus. His insights and perspectives on strategic matters were exceptional. His passing away has saddened me deeply. Om Shanti. pic.twitter.com/YOuQvFT7Et
— Narendra Modi (@narendramodi) December 8, 2021
રક્ષા મંત્રી રાજનાથ સિંહે પણ ટ્વિટરના માધ્યમથી શોક વ્યક્ત કર્યો હતો કે, આજે તામિલનાડુમાં બનેલી દુર્ભાગ્યપૂર્ણ હેલિકોપ્ટર દુર્ઘટનામાં ચીફ ઑફ ડિફેન્સ સ્ટાફ જનરલ બિપિન રાવત, તેમની પત્ની તેમજ 11 અન્ય સશસ્ત્ર દળોના જવાનોના આકસ્મિક નિધનથી ખૂબ જ દુ:ખ અનુભવી રહ્યો છું. તેમનું આ રીતે અણધાર્યું નિધન આપણા સશસ્ત્ર દળ અને દેશ માટે એક અપૂર્ણિય ક્ષતિ છે.
Deeply anguished by the sudden demise of Chief of Defence Staff Gen Bipin Rawat, his wife and 11 other Armed Forces personnel in an extremely unfortunate helicopter accident today in Tamil Nadu.
His untimely death is an irreparable loss to our Armed Forces and the country.
— Rajnath Singh (@rajnathsingh) December 8, 2021
ગૃહ મંત્રી અમિત શાહે પણ દુખ વ્યક્ત કર્યું હતું કે, આજનો દિવસ દેશ માટે ખૂબ જ દુખદ છે. કારણ કે આપણે CDS બિપિન રાવતને હેલિકોપ્ટર દુર્ઘટનામાં ગુમાવી દીધા છે. તેઓ બહાદુર અને જાંબાઝ સૈનિકોમાંથી એક હતા. જેણે અત્યંત ભક્તિની સાથે માતૃભૂમિની સેવા કરી છે. તેમની પ્રતિબદ્વતા અને યોગદાનને શબ્દોમાં વ્યક્ત ના કરી શકાય. મને ખૂબ જ દુ:ખ થયું છે.
A very sad day for the nation as we have lost our CDS, General Bipin Rawat Ji in a very tragic accident. He was one of the bravest soldiers, who has served the motherland with utmost devotion. His exemplary contributions & commitment cannot be put into words. I am deeply pained.
— Amit Shah (@AmitShah) December 8, 2021
રાષ્ટ્રપતિ રામનાથ કોવિંદે પણ દુ:ખ વ્યક્ત કરતા લખ્યું હતું કે, સીડીએસ જનરલ બિપિન રાવત અને તેમના પત્નિના અણધાર્યા નિધનથી હું હતપ્રભ અને દુ:ખી છુુ. રાષ્ટ્રએ એક બહાદુર સુપુત્રને ગુમાવ્યા છે. તેઓએ વીરતા, બહાદુરી અને શૌર્ય સાથે ચાર દાયકા સુધી માતૃભૂમિ માટે નિ:સ્વાર્થપણે સેવા આપી હતી. તેમના શોકગ્રસ્ત પરિવારને મારી સંવેદનાઓ.
I am shocked and anguished over the untimely demise of Gen. Bipin Rawat and his wife, Madhulika ji. The nation has lost one of its bravest sons. His four decades of selfless service to the motherland was marked by exceptional gallantry and heroism. My condolences to his family.
— President of India (@rashtrapatibhvn) December 8, 2021
નોંધનીય છે કે, ચીફ ઑફ ડિફેન્સ સ્ટાફ બિપિન રાવત ત્રણેય સેવાઓ અંગે સંરક્ષણ મંત્રીના મુખ્ય સૈન્ય સલાહકાર તરીકે કામ કરી રહ્યા હતા. 1 જાન્યુઆરી, 2020ના રોજ જનરલ બિપિન રાવત ભારતના પ્રથમ ચીફ ઑફ ડિફેન્સ સ્ટાફ બન્યા હતા.
