નીરજ ચોપરાએ ફરી રચ્યો ઈતિહાસ,જેવલિન થ્રો વર્લ્ડ રેન્કિંગમાં નંબર-1 એથ્લેટ બન્યો

• નીરજ ચોપરાએ ફરી રચ્યો ઈતિહાસ
• જેવલિન થ્રો વર્લ્ડ રેન્કિંગમાં નંબર-1 એથ્લેટ બન્યો
•  એન્ડરસન પીટર્સને 22 પોઈન્ટ પાછળ છોડ્યો 

મુંબઈ : ટોક્યો ઓલિમ્પિક્સનો સુવર્ણ ચંદ્રક વિજેતા નીરજ ચોપરા વિશ્વનો નંબર વન ભાલા ફેંકનાર દેશનો પ્રથમ એથ્લેટ બન્યો છે. દેશનો કોઈ એથ્લેટ આજ સુધી પ્રથમ નંબરે પહોંચી શક્યો નથી. વર્લ્ડ એથ્લેટિક્સ દ્વારા જારી કરાયેલ રેન્કિંગમાં નીરજ 1455 પોઈન્ટ સાથે નંબર વન છે. તેણે વર્લ્ડ ચેમ્પિયન ગ્રેનાડાના એન્ડરસન પીટર્સને 22 પોઈન્ટ પાછળ છોડી દીધો છે.

25 વર્ષીય નીરજ 30 ઓગસ્ટ 2022 થી વિશ્વના બીજા નંબર પર હતો. પીટર્સ વિશ્વનો નંબર વન જેવેલીન થ્રોઅર હતો, પરંતુ 5 મેના રોજ દોહામાં 88.67 મીટર સાથે ગોલ્ડ જીત્યા બાદ તેણે પીટર્સને વિશ્વના નંબર વન તરીકે હટાવી દીધો છે. પીટર્સ દોહામાં 85.88 મીટરના થ્રો સાથે ત્રીજા સ્થાને રહ્યો હતો.

નીરજે ગયા વર્ષે સપ્ટેમ્બરમાં જ્યુરિખ (સ્વિત્ઝર્લેન્ડ)માં યોજાયેલી ડાયમંડ લીગની ફાઇનલમાં પણ જીત મેળવી હતી. 89.94 મીટરનો રાષ્ટ્રીય રેકોર્ડ બનાવનાર નીરજ હવે જ્યારે નેધરલેન્ડ્સમાં 4 જૂને ફેની બ્લેન્કર્સ કોએન ગેમ્સમાં ભાગ લેશે ત્યારે તે વિશ્વનો નંબર વન બની જશે. આ પછી તે 13 જૂને તુર્કુ (ફિનલેન્ડ)માં પાવો નુર્મી ગેમ્સમાં રમશે. અહીં તેણે ગયા વર્ષે સિલ્વર જીત્યો હતો.

ટોક્યો ઓલિમ્પિકનો સિલ્વર મેડલિસ્ટ ચેક રિપબ્લિકનો યાકુબ વાલ્ડેચે ત્રીજા, યુરોપિયન ચેમ્પિયન જર્મનીના જુલિયન વેબર ચોથા અને બર્મિંગહામ કોમનવેલ્થ ગેમ્સનો ગોલ્ડ મેડલિસ્ટ પાકિસ્તાનનો અરશદ નદીમ પાંચમા ક્રમે છે. ભારતના રોહિત યાદવ (15મા) અને ડીપી મનુ (17મા) ટોપ 20માં સ્થાન મેળવ્યું છે.