ગાંધીનગર, 23 જુલાઈ, 2026 – ભારતીય સૈન્યની નવ મહિલા અધિકારીઓની 314 દિવસની સમુદ્ર પ્રદક્ષિણાનું સમાપન થયું છે. સ્વદેશ પરત આવેલી સૈન્યની આ મહાન દીકરીઓની આ સાગર મુસાફરીને સંરક્ષણ મંત્રી રાજનાથ સિંહે અભિનંદન પાઠવ્યા હતા.
એર માર્શલ પી.વી. શિવાનાંદ, એઓસી-ઇન-સી (AOC-in-C) અને દક્ષિણ પશ્ચિમ એર કમાન્ડ (#SouthWesternAirCommand) ના તમામ કર્મચારીઓ તેમજ તેમના પરિવારજનો, ભારતીય સશસ્ત્ર દળોના નવ મહિલા અધિકારીઓને ‘આઈએએસવી ત્રિવેણી’ (IASV Triveni) પર સવાર થઈને પ્રથમ ત્રિ-સેવા (Tri-Service) સર્વ-મહિલા વૈશ્વિક પરિક્રમા — ‘સમુદ્ર પ્રદક્ષિણા’ પૂર્ણ કરવા બદલ હાર્દિક અભિનંદન પાઠવ્યા હતા.
દક્ષિણ પશ્ચિમ એર કમાન્ડ (SWAC) 314 દિવસમાં ચાર મહાસાગર પાર કરીને લગભગ 25,500 નોટિકલ માઈલનું અંતર કાપવા બદલ, તેમજ સાહસ, સહિષ્ણુતા, મક્કમતા અને સંગઠનની ભાવનાનું ઉત્કૃષ્ટ ઉદાહરણ પૂરું પાડવા બદલ આ વીર નારીઓને સલામ કરે છે.
A Voyage of Courage and Endurance
Air Mshl PV Shivanand, AOC-in-C and all personnel and families of #SouthWesternAirCommand, extend heartiest congratulations to the nine women officers of the Indian Armed Forces, on completing ‘Samudra Pradakshina’ – the first Tri-Service… pic.twitter.com/z9ue950kNO
— C PRO South Western Air Command (@SWAC_IAF) July 23, 2026
શું હતું આ અભિયાન:
‘સમુદ્ર પ્રદક્ષિણા’ અભિયાન:
આ ભારતીય લશ્કરની ત્રણેય પાંખ (ભૂમિદળ, નૌકાદળ અને વાયુસેના)ની મહિલા અધિકારીઓ દ્વારા હાથ ધરવામાં આવેલી ભારતની સૌપ્રથમ ત્રિ-સેવા (Tri-Service) સર્વ-મહિલા વૈશ્વિક સઢવાળી નૌકા પરિક્રમા (Circumnavigation) હતી.
નૌકા (IASV Triveni):
આ અભિયાન માટે ઉપયોગમાં લેવાયેલી નૌકા IASV ત્રિવેણી (Indian Armed Forces Sailing Vessel Triveni) છે, જે વિશેષ રૂપે આ પ્રકારના દરિયાઈ સાહસિક અભિયાનો માટે સેનામાં સામેલ કરવામાં આવી હતી.
જવાનોની ટીમ:
આ ટીમના 9 સભ્યોમાં સેનાની ત્રણેય પાંખમાંથી મહિલા અધિકારીઓની પસંદગી કરવામાં આવી હતી, જેમણે લાંબા સમય સુધી સખત દરિયાઈ તાલીમ લીધી હતી.
મુશ્કેલ રૂટ અને પડકારો:
314 દિવસની આ પ્રદક્ષિણામાં તેમણે ચાર મોટા મહાસાગર (હિંદ મહાસાગર, પ્રશાંત મહાસાગર, અટલાન્ટિક મહાસાગર અને દક્ષિણ મહાસાગર) પાર કર્યા. તેમણે આશરે 25,500 નોટિકલ માઈલ (જે લગભગ 47,000 કિલોમીટરથી વધુ) નું ભૌગોલિક અંતર કાપ્યું, જેમાં અત્યંત ખરાબ હવામાન, દરિયાઈ તોફાનો અને વિષમ પરિસ્થિતિઓનો સામનો કર્યો હતો.
નારી શક્તિ અને ત્રિ-સેવા તાલમેલ:
આ યાત્રા માત્ર ભારતીય સશસ્ત્ર દળોમાં ‘નારી શક્તિ’ (Women Empowerment)નું જ ઉદાહરણ નથી, પરંતુ આર્મી, નેવી અને એરફોર્સ વચ્ચેના ઉત્તમ ‘જોઈન્ટમેનશિપ’ (સંયુક્ત તાલમેલ) નું પણ એક ઉત્કૃષ્ટ પ્રતીક છે.
