Homeગુજરાતીગુજરાતધોરણ-10ની બોર્ડની પરીક્ષામાં બેઝિક અને સ્ટાન્ડર્ડ ગણિતનો વિકલ્પ વિદ્યાર્થીઓએ પસંદ કરવો પડશે

ધોરણ-10ની બોર્ડની પરીક્ષામાં બેઝિક અને સ્ટાન્ડર્ડ ગણિતનો વિકલ્પ વિદ્યાર્થીઓએ પસંદ કરવો પડશે

ગાંધીનગર:  ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા માર્ચ-2022માં લેવાનારી ધો.10 અને ધો. 12ના પરીક્ષા ફોર્મ ભરવાનો આગામી તા. 22મીથી પ્રારંભ થશે. બોર્ડના અધિકારીઓ હાલ પરીક્ષાની તૈયારીઓમાં લાગી ગયા છે. ધો 10ના  વિદ્યાર્થીઓ રેગ્યુલર ફી સાથે 21 ડિસેમ્બર સુધી ફી ભરી શકે તેવી વ્યવસ્થા કરવામાં આવી છે.  ધો.10માં પરીક્ષાર્થીઓને ગણિતના વિષયમાં બે વિકલ્પ અપાશે.

સૂત્રોના જણાવ્યા મુજબ  ધોરણ-10ના વિદ્યાર્થીઓએ ફોર્મ ભરતી વખતે ગણિત સ્ટાન્ડર્ડ અથવા ગણિત બેઝિક એમ બે વિક્લપ પૈકી એક વિકલ્પ ભરવાનો રહશે. વિદ્યાર્થી જે વિકલ્પ ફોર્મ ભરતી વખતે પસંદ કરશે પરીક્ષામાં તે પ્રમાણેના પ્રશ્નપત્ર આપવામાં આવશે. ઉલ્લેખનીય છે કે, સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ 10માં ગણિતમાં બે વિકલ્પ આપ્યા બાદ ગુજરાતમાં પણ તેનો અમલ કરવામાં આવ્યો હતો. શૈક્ષણિક વર્ષ 2021-22થી ધોરણ-10માં ગણિત વિષયમાં ગણિત સ્ટાન્ડર્ડ અને ગણિત બેઝિક એમ બે પ્રકારના પ્રશ્નપત્રોના વિકલ્પ આપવા અંગે સરકાર દ્વારા નિર્ણય લેવામાં આવ્યો હતો. ત્યારબાદ શિક્ષણ બોર્ડ દ્વારા ધોરણ-10 ગણિત વિષયના પ્રશ્નપત્રનું પરિરૂપ ગુણભાર, બ્લ્યુ પ્રિન્ટ અને નમુનાનું પ્રશ્નપત્ર તૈયાર કર્યું હતું. હવે જ્યારે શિક્ષણ બોર્ડ દ્વારા ધોરણ-10ની પરીક્ષા માટેના ફોર્મ 22 નવેમ્બરથી ભરવાની જાહેરાત કરવામાં આવી છે ત્યારે બોર્ડ દ્વારા અગત્યની સૂચનાઓ પણ જાહેર કરવામાં આવી હોવાનું જાણવા મળ્યું છે.

સૂત્રોએ ઉમેર્યું હતું કે, શિક્ષણ બોર્ડ દ્વારા ધોરણ-10ની માર્ચ-2022માં લેવામાં આવશે. તે પહેલા જાન્યુઆરી-2022માં ધોરણ-10ની પ્રિલિમ પરીક્ષા યોજાશે. આ પરીક્ષામાં પણ ધોરણ-10ના ગણિત વિષયમાં સ્ટાન્ડર્ડ અને ગણિત બેઝિક આ બે પ્રકારના પ્રશ્નપત્રો પૈકી વિદ્યાર્થીઓ પસંદ કરેલા વિકલ્પ મુજબ પ્રશ્નપત્ર આપવામાં આવશે.

spot_img
spot_img
સંબંધિત લેખો
spot_img
spot_img

Most Popular

spot_img