કુર્તી અને જીન્સનું પરફેક્ટ મેચિંગ: સ્ટાઇલિશ લુક માટે ટ્રાય કરો આ 6 શાનદાર કોમ્બિનેશન
ઓફિસ હોય કે કોલેજ, કુર્તી અને જીન્સનું કોમ્બિનેશન આજકાલ મહિલાઓની પહેલી પસંદ બની ગયું છે. આ આઉટફિટ સ્ટાઇલિશ દેખાવાની સાથે સાથે આખો દિવસ પહેરવામાં પણ ખૂબ જ આરામદાયક રહે છે. જોકે, મોટાભાગની મહિલાઓને એ મૂંઝવણ રહેતી હોય છે કે કયા પ્રકારની કુર્તી સાથે કેવું જીન્સ પહેરવું જોઈએ. તો અહીં જાણો કુર્તી અને જીન્સના પરફેક્ટ કોમ્બિનેશન વિશે..
- શોર્ટ બોક્સી કુર્તી અને વાઈડ લેગ જીન્સ
જો તમે શોર્ટ બોક્સી (થોડી લૂઝ) કુર્તી પહેરવાના હોવ, તો તેની સાથે વાઈડ લેગ જીન્સ બેસ્ટ લાગશે. કેઝ્યુઅલ આઉટિંગ કે મિત્રો સાથે ફરવા જવા માટે આ એક આરામદાયક અને કૂલ લુક આપે છે.
- એ-લાઈન કુર્તી અને સ્કીની જીન્સ
એ-લાઈન કુર્તીનો ઘેરાવો નીચેથી થોડો વધારે હોય છે. આવા ફ્લોઈ ડિઝાઇનવાળી કુર્તી સાથે હંમેશા સ્કીની જીન્સ પહેરવું જોઈએ. આ કોમ્બિનેશન તમારા શરીરના આકારને સપ્રમાણ અને આકર્ષક બતાવે છે.
- પેપ્લમ કુર્તી અને ફ્લેયર જીન્સ
પેપ્લમ કુર્તી (કમરથી ફિટ અને નીચેથી ઝાલરવાળી) ને ફ્લેયર જીન્સ (નીચેથી પહોળા પાયચાવાળું બેલ બોટમ સ્ટાઈલ) સાથે પેર કરો. આ આઉટફિટ તમને એલિગન્ટ અને ફેશનેબલ લુક આપશે.
- ફ્રન્ટ સ્લિટ કુર્તી અને સ્ટ્રેટ જીન્સ
જો તમે વચ્ચેથી કટ (સ્લિટ) વાળી કુર્તી પહેરવાના હોવ, તો તેની નીચે સ્ટ્રેટ જીન્સ સૌથી વધુ સૂટ થશે. આ લુક ઓફિસ વેર કે ફોર્મલ મીટિંગ્સ માટે પણ ઉત્તમ છે.
- ચિકનકારી કુર્તી અને વાઈડ લેગ જીન્સ
લખનવી ચિકનકારી કુર્તી હંમેશા રોયલ લુક આપે છે. આ કુર્તીને મોડર્ન ટચ આપવા માટે તેને વાઈડ લેગ જીન્સ સાથે પહેરો. આ કોમ્બિનેશન હાલમાં ખૂબ જ ટ્રેન્ડમાં છે.
- હાઈ-લો કુર્તી અને એન્કલ લેન્થ જીન્સ
હાઈ-લો કુર્તી (આગળથી ટૂંકી અને પાછળથી લાંબી) સાથે એન્કલ લેન્થ જીન્સ (ઘૂંટી સુધીનું જીન્સ) ખૂબ જ સુંદર લાગે છે. આ સ્ટાઈલ તમને યંગ અને એનર્જેટિક લુક આપે છે.
લુકને વધુ આકર્ષક બનાવવા માટે ઓક્સિડાઈઝ્ડ જ્વેલરી અને જુતી અથવા કોલ્હાપુરી ચપ્પલ ટ્રાય કરી શકો છો.
