વર્ક ફ્રોમ હોમના બહાને લોકો સાથે લાખો રૂપિયાની છેતરપિંડી કરનારી સાયબર ક્રાઇમ ગેંગનો પર્દાફાશ થયો છે. આ કેસમાં પોલીસે 12 લોકોની ધરપકડ કરી છે. આ ગેંગ મુખ્યત્વે ઉત્તર પ્રદેશ અને બિહારની છે. પોલીસના જણાવ્યા અનુસાર, જાન્યુઆરીમાં એક ગૃહિણી દ્વારા અદુગોડી પોલીસ સ્ટેશનમાં ફરિયાદ નોંધાવવામાં આવી હતી. ફરિયાદમાં કહેવામાં આવ્યું હતું કે તેમને વર્ક ફ્રોમ હોમના બહાને 5 લાખ રૂપિયાની છેતરપિંડી કરવામાં આવી હતી.
આરોપીએ કહ્યું કે તેનો ક્રેડિટ સ્કોર ઓછો છે અને તેને સુધારવા માટે, તેણે પહેલા પૈસા જમા કરાવવા પડશે, પછી જ તેને કામ માટે ચૂકવણી મળશે. મહિલાએ તેના પર વિશ્વાસ કર્યો અને અનેક હપ્તામાં પૈસા ટ્રાન્સફર કર્યા. તપાસ દરમિયાન, પોલીસે જે બેંક ખાતામાં પૈસા જમા થયા હતા તેના ખાતાધારકને નોટિસ મોકલી. આના કારણે નવી મુંબઈના રહેવાસી 27 વર્ષીય સોનુની પાછળથી ધરપકડ કરવામાં આવી.
પૂછપરછ દરમિયાન, સોનુએ ખુલાસો કર્યો કે તે કોન્ટ્રાક્ટ મજૂરોના નામે અનેક બેંક ખાતા ખોલાવતો હતો અને તેમના પાસબુક, એટીએમ કાર્ડ અને સિમ કાર્ડ ઉત્તર પ્રદેશ સ્થિત તેની ગેંગના સભ્યોને મોકલતો હતો. તેને એક ખાતા માટે 1,500 રૂપિયા કમિશન મળતું હતું. કેટલીક રાષ્ટ્રીય બેંકોમાં ખાતા માટે તેને 18,૦૦૦ થી 20,૦૦૦ રૂપિયા મળતા હતા.
સોનુની સાથે, ઉત્તર પ્રદેશના રહેવાસી 25 વર્ષીય હર્ષવર્ધન ઓઝાની પણ મુખ્ય આરોપી તરીકે ધરપકડ કરવામાં આવી હતી. બાદમાં, ગેંગના અન્ય 10 સભ્યોની પણ ધરપકડ કરવામાં આવી હતી, જેમાંથી મોટાભાગના યુપી અને બિહારના હતા.
પોલીસ દરોડા દરમિયાન જપ્ત કરાયેલા માલની યાદી
400 સિમ કાર્ડ
140 એટીએમ કાર્ડ
17 ચેક બુક
27 મોબાઈલ ફોન
22 બેંક પાસબુક
ખર્ચ અને આવક રજિસ્ટર
15,૦૦૦ રૂપિયા રોકડા
