નવી દિલ્હી, 04 સપ્ટેમ્બર 2026: રાષ્ટ્રપતિ દ્રૌપદી મુર્મુ અને વડાપ્રધાન નરેન્દ્ર મોદીએ જન્માષ્ટમીના અવસરે દેશવાસીઓને શુભેચ્છાઓ પાઠવી છે. સોશિયલ મીડિયા પર રાષ્ટ્રપતિએ જણાવ્યું હતું કે ભગવાન શ્રીકૃષ્ણનું જીવનચરિત્ર અને તેમનો સંદેશ ભારતીય સંસ્કૃતિ અને દર્શનમાં પ્રાણ ફૂંકે છે. તેમણે વધુમાં કહ્યું કે ભગવાન શ્રીકૃષ્ણે સત્ય, ધર્મ, ન્યાય, કરુણા અને નિષ્કામ કર્મનો માર્ગ દર્શાવ્યો છે. તેમણે સૌને ભગવાન શ્રીકૃષ્ણના આદર્શોને અપનાવવા અને સર્વસમાવેશી તથા વિકસિત ભારતનું નિર્માણ કરવા માટે સતત પ્રયત્નશીલ રહેવા અનુરોધ કર્યો.
વડાપ્રધાન નરેન્દ્ર મોદીએ જણાવ્યું હતું કે ભગવાન શ્રીકૃષ્ણના દિવ્ય સંદેશાઓ નિઃસ્વાર્થ કર્મ માટેની ગહન પ્રેરણા પૂરી પાડે છે, જેણે માનવતાને સતત માર્ગદર્શન આપ્યું છે.
