દિલ્હીઃ- દેશભરમાં આજે રક્ષા બંઘનની ઉજવણી થઈ રહી છે ત્યારે દેશના પ્રધાનમંત્રી નરેન્દ્ર મોદીએ પણ એક્સ પર ટ્વિટ કરીને લોકોને આ પર્વની શુભેચ્છાઓ પાઠવી છે.આજરોજ પીએમ મોદીએ આ પર્વની ઉજવણી શાળાના બાળકો સાથે કરી છે.
પ્રાપ્ત વિગત પ્રમાણે પીએમ મોદીએ આજે બાળકો સાથે રક્ષાબંધનના તહેવારની ઉજવણી કરી હતી. વિવિધ શાળાઓની વિદ્યાર્થીનીઓએ વડાપ્રધાન મોદીને રાખડી બાંધી હતી. આ દરમિયાન પીએમ મોદી બાળકોને મળ્યા બાદ ખૂબ જ ખુશ દેખાતા હતા.
જાણાકરી અનુસાર આ સમયે પીએમ મોદી સાથે બાળકો પણ પોતાને પ્રઘાનમંત્રી સાથે જોઈને ખૂબ જ ખુશ દેખાતા હતા. રક્ષઆબંઘનની ઉજવણી પર બાળકોએ સૂત્રોચ્ચાર પણ કર્યા હતા. વડાપ્રધાન નરેન્દ્ર મોદીએ પણ સોશિયલ મીડિયા પર પોસ્ટ કરીને દેશવાસીઓને રક્ષાબંધનના તહેવારની શુભેચ્છા પાઠવી હતી.
વડાપ્રધાને લખ્યું કે, મારા પરિવારના તમામ સભ્યોને રક્ષાબંધનની હાર્દિક શુભકામનાઓ. બહેન અને ભાઈ વચ્ચેના અતૂટ વિશ્વાસ અને અપાર પ્રેમને સમર્પિત રક્ષાબંધનનો આ શુભ તહેવાર આપણી સંસ્કૃતિનું પવિત્ર પ્રતિબિંબ છે. હું ઈચ્છું છું કે, આ તહેવાર દરેકના જીવનમાં સ્નેહ, સંવાદિતા અને સંવાદિતાની ભાવનાને ઊંડો બનાવે.
