- ભારત અને બાંગ્લાદેશ વચ્ચે રેલ સેવા શરૂ
- કોરોનાને કારણે બે વર્ષ સેવા હતી બંધ
દિલ્હી:કોરોના વાયરસના સંક્રમણને કારણે બે વર્ષથી બંધ રહ્યા બાદ રવિવારે ભારત અને બાંગ્લાદેશ વચ્ચેની રેલ સેવા પુનઃસ્થાપિત કરવામાં આવી હતી. આ દરમિયાન બંધન એક્સપ્રેસને કોલકાતા સ્ટેશનથી પાડોશી દેશના ખુલના સુધી ફ્લેગ ઓફ કરવામાં આવી હતી. ઈસ્ટર્ન રેલવે (ER)ના એક અધિકારીએ આ જાણકારી આપી.તેમણે કહ્યું કે,મૈત્રી એક્સપ્રેસ પણ રવિવારથી શરૂ થવાની આશા છે.આ ટ્રેન રવિવારે કોલકાતાથી ઉપડશે અને સોમવારે સવારે ઢાકા પહોંચશે.
ERના પ્રવક્તા એકલવ્ય ચક્રવર્તીએ કહ્યું, “ભારત અને બાંગ્લાદેશ વચ્ચેની પેસેન્જર ટ્રેન સેવા બે વર્ષ પહેલા કોરોના વાયરસના ચેપને કારણે બંધ કરી દેવામાં આવી હતી. સવારે 7.10 વાગ્યે કોલકાતા સ્ટેશનથી બંધન એક્સપ્રેસના પ્રસ્થાન સાથે આ સેવા પુનઃસ્થાપિત કરવામાં આવી હતી. તે જ સમયે, મૈત્રી એક્સપ્રેસ કોલકાતાથી બાંગ્લાદેશની રાજધાની ઢાકા સુધી પાંચ દિવસ સુધી ચાલશે.ચક્રવર્તીએ જણાવ્યું હતું કે,સરહદની બંને બાજુના લોકો ટ્રેન સેવા ફરી શરૂ થવાથી ખુશ છે અને આગામી થોડા દિવસો માટે તમામ સીટો આરક્ષિત કરવામાં આવી છે.
તેમણે કહ્યું, “રેલની મુસાફરી વધુ અનુકૂળ છે અને મુસાફરીનો સમય પણ વધુ સારો છે, લોકો બસ અથવા હવાઈ મુસાફરી કરતાં ટ્રેનને પસંદ કરે છે.” બંને ટ્રેનોમાં લગભગ 450 મુસાફરોની ક્ષમતા છે અને તેમાં AC ચેર કાર ઉપરાંત એક્ઝિક્યુટિવ ક્લાસ સીટો પણ ઉપલબ્ધ છે.ચક્રવર્તીએ જણાવ્યું હતું કે 1 જૂનથી પશ્ચિમ બંગાળ દ્વારા ભારત અને બાંગ્લાદેશ વચ્ચેની રેલ કનેક્ટિવિટી વધુ મજબૂત થશે, કારણ કે તે દિવસે મિતાલી એક્સપ્રેસનું ઉદ્ઘાટન કરવામાં આવશે.આ ટ્રેન ભારતમાં ન્યૂ જલપાઈગુડીથી ઢાકા જશે. તેમણે આશા વ્યક્ત કરી કે નવી રેલ સેવા ઉત્તર-પશ્ચિમ બંગાળમાં પ્રવાસનને વેગ આપશે.
