કચ્છના ઉગતા ક્રિકેટર પૂર્વ ભટ્ટનું સાંસદના હસ્તે વિશિષ્ટ સન્માન
ભુજ, 25 જૂન, 2026: કચ્છના ઉગતા ક્રિકેટર પૂર્વ ભટ્ટનું તાજેતરમાં સાંસદના હસ્તે વિશિષ્ટ સન્માન કરવામાં આવ્યું હતું. અંડર-17 SGFI રાષ્ટ્રીય ક્રિકેટ સ્પર્ધા માટે જિલ્લામાંથી એકમાત્ર ખેલાડી તરીકે પસંદગી પામી ગુજરાત ટીમનું પ્રતિનિધિત્વ કરનાર કચ્છના ઉગતા ક્રિકેટર પૂર્વ આનંદકુમાર ભટ્ટનું કચ્છ લોકસભા ઓપન ડે-નાઇટ સાંસદ ક્રિકેટ ટૂર્નામેન્ટ (નમો કપ સીઝન-4)ના મેગા ફાઇનલ સમારોહમાં સાંસદ વિનોદભાઈ ચાવડાના હસ્તે વિશિષ્ટ સન્માન કરવામાં આવ્યું હતું.
આ પ્રસંગે ધારાસભ્યો, પોલીસ અધિકારીઓ તેમજ ક્રિકેટ જગતના મહાનુભાવો ઉપસ્થિત રહ્યા હતા અને પૂર્વ ભટ્ટની રાષ્ટ્રીય કક્ષાની સિદ્ધિને બિરદાવી હતી. પૂર્વ ભટ્ટની આ ઉપલબ્ધિ સમગ્ર કચ્છ, બ્રહ્મસમાજ અને સ્વ. રસિકલાલ ભટ્ટ પરિવાર માટે ગૌરવની ક્ષણ બની છે.
