દિલ્હી:ઘઉંની નિકાસને લઈને રશિયા અને પશ્ચિમી દેશો વચ્ચે તણાવ ચાલુ છે.રશિયાના રાષ્ટ્રપતિ વ્લાદિમીર પુતિને વિશ્વમાં ઘઉંના વધતા ભાવ માટે પશ્ચિમી દેશોને જવાબદાર ઠેરવ્યા છે.પુતિને કહ્યું છે કે,પશ્ચિમી પ્રતિબંધોને કારણે રશિયન કાર્ગો જહાજો માલસામાનની સપ્લાય કરવામાં અસમર્થ છે.પશ્ચિમી દેશો વારંવાર કોલ કરવા છતાં ખાદ્ય પુરવઠા પરના નિયંત્રણો હટાવવા તૈયાર નથી.
પુતિને યુક્રેનિયન બંદરો પર ખાદ્યપદાર્થોથી ભરેલા જહાજોને અટકાવવાના આરોપોને નકારી કાઢ્યા છે.કહ્યું કે જો પશ્ચિમી દેશોને રશિયા સાથે સમસ્યા છે તો તેઓ બેલારુસ પરના પ્રતિબંધો હટાવીને ત્યાંથી યુક્રેનને ઘઉંની સપ્લાય શરૂ કરી શકે છે.યુએસ અને બ્રિટને યુક્રેનમાંથી ઘઉંની સપ્લાય ન કરવા માટે રશિયાને જવાબદાર ઠેરવ્યું છે.સંયુક્ત રાષ્ટ્ર ઘઉંનો પુરવઠો સુનિશ્ચિત કરવા માટે સતત પ્રયાસો કરી રહ્યું છે.
યુએન સેક્રેટરી-જનરલ એન્ટોનિયો ગુટેરેસે આશા વ્યક્ત કરી છે કે,ખાદ્ય અને ખાતરના પુરવઠામાં મડાગાંઠ ટૂંક સમયમાં સમાપ્ત થશે. ખ્રિસ્તી ધર્મગુરુ પોપ ફ્રાન્સિસે પણ રશિયા અને યુક્રેનને ઘઉંનો પુરવઠો સુનિશ્ચિત કરવા કહ્યું છે. તેમણે ઘઉંને હથિયાર ન બનાવવાની અપીલ કરી છે. એ નોંધવું જોઇએ કે રશિયા અને યુક્રેન ઘઉંના મુખ્ય નિકાસકારો છે. પશ્ચિમી પ્રતિબંધોને કારણે રશિયા ઘઉંનો સપ્લાય કરવામાં અસમર્થ છે અને યુક્રેનિયન બંદરો પર કબજો અને કાળા સમુદ્રમાં રશિયન દળોની નાકાબંધીને કારણે યુક્રેનિયન ઘઉંની નિકાસ પણ થઈ રહી છે.
