HomeગુજરાતીVIP પાર્ટીના વડા મુકેશ સહાનીના પિતાની હત્યાથી સનસનાટી, ઘરમાંથી વિકૃત સ્વરૂપમાં મળી...

VIP પાર્ટીના વડા મુકેશ સહાનીના પિતાની હત્યાથી સનસનાટી, ઘરમાંથી વિકૃત સ્વરૂપમાં મળી આવી લાશ

વિકાસશીલ ઇન્સાન પાર્ટી (VIP) પાર્ટીના વડા અને બિહાર સરકારના ભૂતપૂર્વ પ્રધાન મુકેશ સહાનીના પિતા જીતન સહાનીની હત્યા કરવામાં આવી છે.

જીતન સહાનીની દરભંગા જિલ્લાના બિરૌલ સબ-ડિવિઝનમાં અફઝલ્લા પંચાયતના સુપૌલ બજારમાં તેમના પૈતૃક મકાનમાં હત્યા કરવામાં આવી છે. ઘરની અંદરથી એક વિકૃત મૃતદેહ મળી આવ્યો હતો. દરભંગાના SSP જગુન્નાથ રેડ્ડીએ ઘટનાની પુષ્ટિ કરી છે. હાલ પોલીસ આ મામલે તપાસ કરી રહી છે.

મૃતદેહ વિકૃત હાલતમાં મળી આવ્યો હતો અને શરીર પર ઘણા ઘાના નિશાન દેખાતા હતા. તસવીરો જોઈને લાગે છે કે તેના પર ઘણી વખત ચાકુ વડે હુમલો કરવામાં આવ્યો છે. જોકે, હત્યા કેવી રીતે થઈ અને શા માટે થઈ? આ અંગે પોલીસ તરફથી કોઈ સત્તાવાર નિવેદન આવ્યું નથી.

મળતી માહિતી મુજબ, ઘરમાં જીતન સહાની સિવાય 2 થી 3 નોકર અને એક ડ્રાઈવર રહેતો હતો. હત્યા માટે તિક્ષ્ણ હથિયારનો ઉપયોગ કરવામાં આવ્યો હતો, જેના કારણે લાશ વિકૃત હાલતમાં પડી હતી.

ઉચ્ચ પોલીસ અધિકારીઓ ઘટનાસ્થળે પહોંચી ગયા છે અને તપાસ શરૂ કરી છે. હાલ હત્યાનું કારણ જાણી શકાયું નથી. સુત્રોના જણાવ્યા અનુસાર આ હત્યા પરસ્પર અદાવતના કારણે કરવામાં આવી છે. હાલમાં, મુકેશ સહાની હૈદરાબાદમાં છે અને રાત્રે 9:00 વાગ્યા સુધીમાં ઘરે પહોંચવાની અપેક્ષા છે. ઘટના સ્થળે લોકોના ટોળા ઉમટી પડ્યા છે.

 

spot_img
spot_img
સંબંધિત લેખો
spot_img
spot_img

Most Popular

spot_img