મોંઘી બ્યુટી પ્રોડક્ટ્સ છોડો અને ઘરે જ બનાવો રોઝ ફેસ પેક, સોફ્ટ અને ગ્લોઈંગ સ્કીન માટે બેસ્ટ ઉપાય

સુંદરતા કોને પસંદ નથી હોતી? પોતાની જાતને આકર્ષક અને સુંદર દેખાડવા માટે લોકો બજારમાં મળતી મોંઘીદાટ બ્યુટી પ્રોડક્ટ્સ પાછળ હજારો રૂપિયા ખર્ચી નાખતા હોય છે. જોકે, આ કેમિકલયુક્ત પ્રોડક્ટ્સની અસર માત્ર થોડા સમય માટે જ રહે છે અને ઘણીવાર તેનાથી સાઈડ ઈફેક્ટ્સ પણ થતી હોય છે. જો તમે કુદરતી રીતે ચહેરા પર ચમક લાવવા માંગતા હોવ, તો ગુલાબની પાંખડીઓમાંથી બનેલો ફેસ પેક તમારા માટે વરદાન સાબિત થઈ શકે છે. આ ફેસ પેક વાપરવાથી તમારી ત્વચા માત્ર મુલાયમ જ નહીં બને, પરંતુ ગુલાબ જેવો કુદરતી ગ્લો પણ આવશે. ચાલો જાણીએ આ નેચરલ ફેસ પેક બનાવવાની રીત અને તેના ફાયદા.

• ફેસ પેક બનાવવા માટેની જરૂરી સામગ્રી

તાજા ગુલાબની પાંખડીઓ: 10 નંગ

કાચું દૂધ: 2 મોટી ચમચી

ચંદન પાવડર: 1 ચમચી

મધ: 1 ચમચી

મુલતાની માટી: 1 ચમચી

ગુલાબજળ: (જરૂર મુજબ)

• કેવી રીતે તૈયાર કરશો આ ફેસ પેક?

સૌથી પહેલા ગુલાબની પાંખડીઓને ચોખ્ખા પાણીથી ધોઈ લો. ત્યારબાદ આ પાંખડીઓને અડધો કલાક માટે કાચા દૂધમાં પલાળી રાખો. દૂધમાં પલાળેલી પાંખડીઓને મિક્સરમાં પીસીને એક સ્મૂધ પેસ્ટ બનાવી લો. આ પેસ્ટને એક બાઉલમાં કાઢી તેમાં મધ, ચંદન પાવડર અને મુલતાની માટી ઉમેરો. જો પેસ્ટ વધુ ઘટ્ટ લાગે તો તેમાં થોડું ગુલાબજળ ઉમેરીને બરાબર મિક્સ કરી લો. માત્ર ફેસ પેક બનાવવો પૂરતો નથી, તેને યોગ્ય રીતે લગાવવો પણ જરૂરી છે.

ચહેરો સાફ કરો: ફેસ પેક લગાવતા પહેલા ચહેરાને હૂંફાળા પાણીથી ધોઈ લો જેથી રોમછિદ્રો ખુલી જાય.

એપ્લિકેશન: હવે બ્રશ અથવા આંગળીઓની મદદથી આ પેકને ચહેરા અને ગરદન પર સમાન રીતે લગાવો.

સમયગાળો: આ પેકને ચહેરા પર 15 થી 20 મિનિટ સુધી રહેવા દો, જેથી તે કુદરતી રીતે સુકાઈ જાય.

સફાઈ: પેક સુકાઈ ગયા પછી, હૂંફાળા પાણીથી હળવા હાથે મસાજ કરતા-કરતા ચહેરો સાફ કરી લો.

અંતિમ સ્ટેપ: ચહેરો લૂછ્યા પછી કોઈપણ સારું મોઈશ્ચરાઈઝર લગાવવાનું ભૂલશો નહીં, જેથી ત્વચામાં ભેજ જળવાઈ રહે.

આ ફેસ પેક અઠવાડિયામાં બે વાર લગાવવાથી ચહેરા પર ગજબનો નિખાર જોવા મળે છે અને ડાઘ-ધબ્બા પણ ઓછા થાય છે.