1. Home
  2. ગુજરાતી
  3. સુપર સ્ટાર પ્રભાસ ઉર્ફ બાહુબલીનો આજે જન્મદિવસ, સાઉથ ફિલ્મ ઈન્ડસ્ટ્રીમાં છે મોટું નામ
સુપર સ્ટાર પ્રભાસ ઉર્ફ બાહુબલીનો આજે જન્મદિવસ, સાઉથ ફિલ્મ ઈન્ડસ્ટ્રીમાં છે મોટું નામ

સુપર સ્ટાર પ્રભાસ ઉર્ફ બાહુબલીનો આજે જન્મદિવસ, સાઉથ ફિલ્મ ઈન્ડસ્ટ્રીમાં છે મોટું નામ

0
  • આજે સુપર સ્ટાર પ્રભાસનો જન્મદિવસ
  • તેલુગુ ફિલ્મથી કરી કરિયરની શરૂઆત
  • એક્શન જેક્શન છે પહેલી હિન્દી ફિલ્મ

મુંબઈ:સુપર સ્ટાર પ્રભાસ આજે પોતાનો 42 મો જન્મદિવસ ઉજવી રહ્યા છે. પ્રભાસનો જન્મ 23 ઓક્ટોબર 1979ના રોજ ચેન્નાઈમાં થયો હતો.તેમનું પૂરું નામ ઉપ્પલાપતિ વેંકટા સૂર્યનારાયણ પ્રભાસ રાજુ છે. તેમના પિતા ફિલ્મ નિર્માતા ઉપ્પલાપતિ વેંકટા સૂર્યનારાયણ રાજુ અને માતા શિવા કુમારી હતી. તેને એક ભાઈ અને એક બહેન છે. તેણે હૈદરાબાદની નાલંદા કોલેજમાંથી 12મા સુધીનો અભ્યાસ કર્યો. આ પછી તેણે વિશાખાપટ્ટનમની સત્યનંદ ફિલ્મ સંસ્થામાંથી અભિનય શીખ્યા.

પ્રભાસે ખાસ કરીને તેલુગુ ફિલ્મ ઈન્ડસ્ટ્રીમાં કામ કર્યું છે. તેણે વર્ષ 2002માં ફિલ્મ ‘ઈશ્વર’થી ડેબ્યૂ કર્યું હતું. વર્ષ 2003 માં તેમણે ફિલ્મ ‘રાઘવેન્દ્ર’માં મુખ્ય અભિનેતા તરીકે કામ કરવાનું શરૂ કર્યું. વર્ષ 2005માં તેણે ફિલ્મ ‘ચકરમ’ અને એસએસ રાજામૌલીની ‘છત્રપતિ’માં મુખ્ય ભૂમિકા ભજવી હતી. ફિલ્મ છત્રપતિમાં તેણે એક શરણાર્થીની ભૂમિકા ભજવી હતી, જેનું ગુંડાઓ દ્વારા શોષણ કરવામાં આવે છે. આ ફિલ્મ ઘણા થિયેટરોમાં 3 મહિનાથી વધુ સમય સુધી સતત ચાલી હતી.

આ પછી તેણે વર્ષ 2010 માં રોમેન્ટિક કોમેડી ફિલ્મ ‘ડાર્લિંગ’માં કામ કર્યુ. વર્ષ 2011 માં તેમણે ફિલ્મ મિ.પરફેકટમાં કામ કર્યું અને તે રોમેન્ટિક કોમેડી પણ હતી. ફિલ્મમાં કાજલ અગ્રવાલ અને તાપસી પન્નુ તેના અપોઝીટ હતા.વર્ષ 2012માં પ્રભાસને તેનો સૌથી મોટો બ્રેક ‘રિબેલ’થી મળ્યો. આ ફિલ્મનું નિર્દેશન રાઘલ લોરેન્સે કર્યું હતું. વર્ષ 2013માં તેણે ‘મિર્ચી’માં જોરદાર એક્શન બતાવી.આ ફિલ્મ માટે તેને ઘણા એવોર્ડ પણ મળ્યા હતા.

પ્રભાસે વર્ષ 2014 માં આવેલી ફિલ્મ એક્શન જૈક્શનના આઈટમ નંબર “પંજાબી મસ્ત”માં કેમિયો રોલ કરીને હિન્દી સિનેમામાં ડેબ્યુ કર્યું હતું.આ પછી તેણે દેશની સૌથી મોટી હિટ ફિલ્મ ‘બાહુબલી: ધ બિગનીંગ’ આપી. આ ફિલ્મ દેશભરમાં ઘણી ભાષાઓમાં રિલીઝ થઈ.આનાથી પ્રભાસ સમગ્ર ભારતનો સ્ટાર બની ગયો. વર્ષ 2017 માં પ્રભાસે ‘બાહુબલી 2: કન્ક્લુઝન’માં આ જ પાત્ર ભજવ્યું હતું. આ ફિલ્મે કમાણીના તમામ રેકોર્ડ પણ તોડી નાખ્યા છે. આ ફિલ્મ એક હજાર કરોડ રૂપિયાથી વધુ કમાણી કરનાર ભારતની પ્રથમ ફિલ્મ બની છે.

બાહુબલી બાદ સાઉથના સુપરસ્ટાર પ્રભાસ પણ બોલિવૂડમાં જાણીતા છે. પ્રભાસ હવે દુનિયાભરમાં બાહુબલી તરીકે ઓળખાય છે. પ્રભાસની વિશેષતા એ છે કે તે એક સમયે માત્ર એક જ ફિલ્મનું શૂટિંગ કરે છે.

આ પછી વર્ષ 2019 માં, તેણે એક્શન-થ્રિલર ‘સાહો’માં કામ કર્યું. લોકોને ફિલ્મથી ઘણી આશાઓ હતી, પરંતુ ફિલ્મને એટલો સારો પ્રતિસાદ મળ્યો ન હતો. પ્રભાસના વર્ક ફ્રન્ટની વાત કરીએ તો તે ‘રાધે શ્યામ’, ‘સલાર’ અને ‘આદિપુરુષ’માં જોવા મળશે.

LEAVE YOUR COMMENT

Your email address will not be published.