હિમાચલના સોલનમાં મંકીપોક્સનો શંકાસ્પદ દર્દી મળ્યો,કોઈ ટ્રાવેલ હિસ્ટ્રી નહીં
- કોરોના બાદ મંકીપોક્સનો કહેર
- સોલનમાં મંકીપોક્સનો શંકાસ્પદ દર્દી મળ્યો
- કોઈ ટ્રાવેલ હિસ્ટ્રી નહીં
શિમલા:કોરોના સંક્રમણ બાદ હવે મંકીપોક્સ રોગ ઝડપથી ફેલાવા લાગ્યો છે.અગાઉ મંકીપોક્સના કેસ માત્ર વિદેશમાં જ જોવા મળતા હતા, પરંતુ હવે ભારતમાં પણ આ રોગના દર્દીઓ જોવા મળી રહ્યા છે.હિમાચલ પ્રદેશના સોલનમાં મંકીપોક્સનો એક દર્દી મળી આવ્યો છે.પરંતુ ચોંકાવનારી વાત એ છે કે દર્દીનો કોઈ વિદેશ પ્રવાસનો ઇતિહાસ નથી.
સ્વાસ્થ્ય અધિકારીઓના જણાવ્યા અનુસાર, હિમાચલ પ્રદેશના સોલન જિલ્લામાં મંકીપોક્સનો એક શંકાસ્પદ દર્દી સામે આવ્યો છે.દર્દીના સેમ્પલ નેશનલ ઈન્સ્ટીટ્યુટ ઓફ વાયરોલોજી, પુણેમાં મોકલવામાં આવ્યા છે, જેથી કરીને મંકીપોક્સની પુષ્ટિ થઈ શકે.
મળતી માહિતી મુજબ, બદ્દી વિસ્તારમાં રહેતા એક વ્યક્તિમાં 21 દિવસ પહેલા ચેપના લક્ષણો જોવા મળ્યા હતા.જોકે તે હાલમાં સ્વસ્થ છે.પરંતુ રાજ્યમાં મંકીપોક્સનો શંકાસ્પદ દર્દી મળી આવતાં આરોગ્ય વિભાગમાં દોડધામ મચી ગઈ છે.
આરોગ્ય અધિકારીઓના જણાવ્યા અનુસાર, દર્દીને સાવચેતીના ભાગરૂપે આઈસોલેશનમાં રાખવામાં આવ્યો છે અને આસપાસના વિસ્તારોમાં દેખરેખ રાખવામાં આવી રહી છે.આશ્ચર્યની વાત એ છે કે દર્દીનો વિદેશ પ્રવાસનો ઇતિહાસ નથી.