શિયાળાની ઋતુમાં ત્વચા સંબંધિત ઘણી સમસ્યાઓ થાય છે, કારણ કે ઠંડીમાં ભેજના અભાવે ત્વચા શુષ્ક થઈ જાય છે. ત્વચા નિર્જીવ અને શુષ્ક બની જાય છે. આ દિવસોમાં ત્વચાની સંભાળ રાખવી ખૂબ જ જરૂરી બની જાય છે. લોકો સ્નાન કર્યા પછી ત્વચા પર કંઈક લગાવવા વિશે ઘણું વિચારે છે.
મલાઈ-લીંબુનો ઉપયોગ કરોઃ તમે ઘરે બેસીને માત્ર થોડા જ રૂપિયામાં તમારી સ્કિન ટોન સરળતાથી પાછી મેળવી શકો છો. આ માટે તમારે મલાઈ-લીંબુનો ઉપયોગ કરવો પડશે. તેને લગાવવા માટે તમારે મલાઈમાં લીંબુનો રસ મિક્સ કરવો પડશે. ત્યાર બાદ તેને મસાજની જેમ ત્વચા પર લગાવો.
નાળિયેર અને ગુલાબ જળઃ ચહેરાના રંગને સુધારવા માટે નારિયેળ અને ગુલાબજળનો ઉપયોગ કરી શકાય છે. આ માટે તમારે નારિયેળ તેલ અને ગુલાબજળ મિક્સ કરવું પડશે. સ્નાન કર્યા પછી નારિયેળ અને ગુલાબજળનું મિશ્રણ ત્વચા પર લગાવવાનું રહેશે. જો તમે દરરોજ નિયમિતપણે આ કરો છો, તો તેની અસર થોડા દિવસોમાં દેખાશે.
ઘી નો ઉપયોગ કરોઃ ચહેરા પર કુદરતી ચમક પાછી લાવવા માટે તમે સ્નાન કર્યા પછી ઘીનો ઉપયોગ કરી શકો છો. જો તમારી ત્વચામાં તિરાડ પડી રહી છે તો તે ત્વચાને તિરાડથી બચાવશે.
સરસવનું તેલઃ ઘણીવાર લોકો સરસવનું તેલ લગાવવાનું ટાળે છે. પરંતુ શિયાળામાં જો તમે તેને સ્નાન કર્યા પછી ચહેરા અને શરીર પર લગાવશો તો તેનાથી ત્વચા ગ્લોઈંગ થશે.
મધ અને ગ્લિસરીનઃ જો તમે સ્નાન કર્યા પછી મધ અને ગ્લિસરીનના મિશ્રણનો ઉપયોગ કરો છો, તો તે ત્વચાને ખરબચડી થતી અટકાવશે.
