સુપ્રીમ કોર્ટે રાહુલ ગાંધીને આપી રાહત,વાયનાડથી તેમની ચૂંટણીને પડકારતી અરજી ફગાવી દીધી

દિલ્હી:કોંગ્રેસ નેતા રાહુલ ગાંધીને સુપ્રીમ કોર્ટમાંથી મોટી રાહત મળી છે.સર્વોચ્ચ અદાલતે કેરળના વાયનાડથી લોકસભાના સભ્ય તરીકે તેમની ચૂંટણીને પડકારતી અરજીને ફગાવી દીધી હતી. રાહુલ ગાંધી 2019ની સામાન્ય ચૂંટણીમાં વાયનાડથી ચૂંટાયા હતા.

રાહુલ ગાંધીના નિર્વાચનને સરિતા એસ નૈયરએ 31 ઓક્ટોબર 2019ના રોજ સુપ્રીમ કોર્ટમાં અરજી દાખલ કરીને કેરળ હાઈકોર્ટના આદેશને પડકાર્યો હતો.જસ્ટિસ એએસ બોપન્ના અને જસ્ટિસ દીપાંકર દત્તાની બેન્ચે અરજી ફગાવી દીધી હતી.

અરજીમાં વાયનાડ અને એર્નાકુલમમાં લોકસભા ચૂંટણીને પડકારવામાં આવી હતી.2 નવેમ્બર 2020 ના રોજ ગાંધીની ચૂંટણીને પડકારતી નાયરની અરજી સુપ્રીમ કોર્ટે જાળવણીપાત્ર ન હોવાનું કહીને ફગાવી દીધી હતી.બાદમાં, તેણે સુપ્રીમ કોર્ટમાં અરજી દાખલ કરીને અરજીને પુનઃસ્થાપિત કરવાની માંગ કરી હતી.