બોલિવૂડની સુંદર અભિનેત્રી વાણી કપૂરનો આજે જન્મદિવસ,ઘણા મોટા સ્ટાર્સ સાથે પણ કર્યું છે કામ
- અભિનેત્રી વાણી કપૂરનો આજે જન્મદિવસ
- સુશાંત સિંહ રાજપૂતની ફિલ્મથી બોલિવૂડમાં કર્યું હતું ડેબ્યુ
- ઘણા મોટા સ્ટાર્સ સાથે પણ કર્યું છે કામ
મુંબઈ:બોલિવૂડની સુંદર અભિનેત્રી વાણી કપૂરનો આજે જન્મદિવસ છે.હાલમાં જ તે રણબીર કપૂર સાથે ફિલ્મ શમશેરામાં જોવા મળી હતી.વાણીએ સુશાંત સિંહ રાજપૂતથી લઈને રણવીર સિંહ, આયુષ્માન ખુરાના, અક્ષય કુમાર સુધીના ઘણા મોટા કલાકારો સાથે તેની અભિનય કુશળતા ફેલાવી છે.
દિલ્હી ગર્લ વાણીનો જન્મ 23 ઓગસ્ટ 1988ના રોજ થયો હતો.તેમના પિતા શિવ કપૂર એક બિઝનેસમેન છે, તેઓ દિલ્હીમાં ફર્નિચર એક્સપોર્ટનો બિઝનેસ કરે છે.વાણીની માતા ડિમ્પી કપૂર માર્કેટિંગ એક્ઝિક્યુટિવ તરીકે કામ કરે છે.અભિનેત્રીનો તમામ અભ્યાસ દિલ્હીથી થયો છે.તેણીને શરૂઆતથી જ મોડેલિંગમાં રસ હતો, જોકે વાણીના પિતા શિવ કપૂર તેની મોડેલિંગ કારકિર્દીની સખત વિરુદ્ધ હતા,પરંતુ માતા ડિમ્પીની મદદથી વાણીને મોડેલિંગ કારકિર્દી અપનાવવામાં બહુ મુશ્કેલી ન પડી.
આ અભિનેત્રીએ પોતાના કરિયરની શરૂઆત એક ટીવી સીરિયલથી કરી હતી, વર્ષ 2009ના ટીવી શો “સ્પેશિયલ @ 10- રાજુબેન” થી.જો કે તે સમયે વાણી કપૂર નજરે પડી ન હતી. કારણ કે આ સીરિયલમાં વાણીનો રોલ ઘણો નાનો હતો. તેથી જ મોટાભાગના લોકો તેને શુદ્ધ દેશી રોમાન્સ ફિલ્મની ડેબ્યૂ અભિનેત્રી તરીકે ઓળખે છે.
વાણીએ બ્લોકબસ્ટર ફિલ્મ ‘વોર’માં હૃતિક રોશન અને ટાઇગર શ્રોફ સાથે પણ કામ કર્યું હતું. તેણે એક તમિલ ફિલ્મમાં પણ કામ કર્યું છે, તે ફિલ્મનું નામ છે આહા કલ્યાનામ (2014).આ ફિલ્મ અનુષ્કા શર્મા અને રણવીર સિંહની હિન્દી ફિલ્મ બેન્ડ બાજા બારાતની રિમેક હતી.
સોશિયલ મીડિયા પર સંપૂર્ણ રીતે એક્ટિવ રહેતી અભિનેત્રી વાણી તેના આગામી પ્રોજેક્ટ્સને લઈને ઘણી ગંભીર દેખાઈ રહી છે.વાણી કપૂરના કરિયરની વાત કરીએ તો તેણે અત્યાર સુધી બહુ ઓછી ફિલ્મો કરી છે પરંતુ તેની દરેક ફિલ્મમાં મોટા સ્ટાર્સ છે.વાણી કપૂરનું બેકગ્રાઉન્ડ ક્યારેય ફિલ્મી રહ્યું નથી.તેમના પરિવાર કે સંબંધીઓમાંથી કોઈને પણ ફિલ્મો સાથે કોઈ સંબંધ નથી.
