ટ્વિટર વાપરવું વધુ મોંઘુ બનશે – ટેક્સ્ટ મેસેજ દ્વારા કરાતા ટુ-ફેક્ટર ઓથેન્ટિકેશન માટે પણ પૈસા વસૂલશે ટ્વિટર

• ટ્વિટર માટે ખર્ચવા પડશે વધુ પૈસા
• ટેક્સ્ટ મેસેજ દ્વારા કરાતા ટુ-ફેક્ટર ઓથેન્ટિકેશન માટે પણ કરવું પડશે પેમેન્ટ

દિલ્હીઃ જ્યારથી એલન મસ્કે ટ્વિટર ખરીદ્યું છે ત્યારથી ટ્વિટર ચર્ચાનો વિષ્ય બન્યું છે ટ્વિટર લઈને અગાઉ અનેક વિવાદ સર્જાય છે ટ્વિટમાં બ્લૂ ટિક મેળવવા માટે પણ હવે પૈસા ચૂકવવા પડે છે ત્યારે હવે ટ્વિટરના યૂઝર્સ માટે વધુ એક ઝટકો એલન મસ્ક દ્રારા આપવામાં આવ્યો છે.

એલોન મસ્કને વેચાયા બાદ ટ્વિટરના નીતિ-નિયમોમાં ફેરફાર ચાલુ છે. બ્લુ ટિક સેવા શરૂ થયા પછી, ટ્વિટરે હવે કહ્યું છે કે તે ટેક્સ્ટ સંદેશાઓ દ્વારા કરવામાં આવતા ટુ-ફેક્ટર ઓથેન્ટિકેશન માટે પણ ચાર્જ વસૂલશે.આ બાબતને લઈને કંપનીએ કહ્યું કે 20 માર્ચથી માત્ર ટ્વિટર બ્લુ સબ્સ્ક્રાઇબર્સ જ ટુ-ફેક્ટર ઓથેન્ટિકેશન નો ઉપયોગ કરી શકશે. એટલે કે હવે સામાન્ય યૂઝર્સના ટ્વિટર એકાઉન્ટની સુરક્ષામાં એક સ્તર ઘટાડવામાં આવશે.