ન્યૂયોર્ક, 16 એપ્રિલ 2026: અમેરિકાએ ઈરાન અને રશિયા સામે કડક વલણ અપનાવતા તેલ નિકાસ પર આપેલી વિશેષ રાહત ખતમ કરવાનો મોટો નિર્ણય લીધો છે. અમેરિકાના નાણામંત્રી સ્કોટ બેસેન્ટે સ્પષ્ટ કર્યું છે કે રશિયન અને ઈરાની તેલ પર જે 30 દિવસની છૂટ આપવામાં આવી હતી, તેને હવે આગળ લંબાવવામાં આવશે નહીં.
નાણામંત્રીના જણાવ્યા અનુસાર, ઈરાન માટે આપવામાં આવેલી આ રાહત 19 એપ્રિલ ના રોજ સમાપ્ત થઈ રહી છે. ટ્રમ્પ પ્રશાસન દ્વારા લેવાયેલો આ નિર્ણય વૈશ્વિક ઊર્જા બજારમાં મોટા ફેરફારો લાવી શકે છે.
ટ્રમ્પ પ્રશાસનની આ નીતિના અંતને કારણે આગામી દિવસોમાં આંતરરાષ્ટ્રીય બજારમાં તેલની કિંમતોમાં ઉછાળો જોવા મળી શકે છે. અમેરિકાના આ પગલાને રશિયા અને ઈરાન પર આર્થિક દબાણ વધારવાની વ્યૂહરચના તરીકે જોવામાં આવી રહ્યું છે. ખાસ કરીને યુરોપ અને એશિયાના દેશો કે જેઓ હજુ પણ આ દેશો પાસેથી તેલની આયાત કરે છે, તેમણે હવે વૈકલ્પિક વ્યવસ્થાઓ શોધવી પડશે.
વધુ વાંચો: ઈરાન સાથે ચાલી રહેલા સંઘર્ષમાં અમેરિકા અને ઇઝરાયલના લક્ષ્યો સમાન છે: બેન્જામિન નેતન્યાહૂ
