આ સ્માર્ટફોન્સ પર વોટ્સએપ નહીં ચાલે, શું તમારો ફોન તો આ લિસ્ટમાં નથી ને,ચેક કરો લિસ્ટ
વોટ્સએપ ખૂબ જ લોકપ્રિય મેસેજિંગ એપ છે.ભારતમાં ઘણા લોકોની આ પ્રાથમિક મેસેજિંગ એપ્લિકેશન છે.લોકો તેનો ઉપયોગ મિત્રો અને અન્ય વપરાશકર્તાઓ સાથે ચેટ કરવા માટે કરે છે. પરંતુ,આ એપ ઘણા સ્માર્ટફોન યુઝર્સ માટે બંધ થવા જઈ રહી છે.
WhatsApp સમયાંતરે જૂના ઉપકરણો માટે તેને બંધ કરતું રહે છે.હવે ફરી એકવાર જૂના ઉપકરણો માટે WhatsAppનું સમર્થન સમાપ્ત કરવામાં આવી રહ્યું છે.એટલે કે જૂના ઉપકરણો પર WhatsAppનો ઉપયોગ કરી શકાતો નથી
Meta ની ઇન્સ્ટન્ટ મેસેજિંગ એપ્લિકેશન જૂના iPhones પર કામ કરશે નહીં. તે 24 ઓક્ટોબર, 2022થી iOS 10 અને iOS 11 વર્ઝન પર કામ કરતા iPhones પર કામ કરશે નહીં. એટલે કે, iOS 12 અથવા તેનાથી ઉપરના વર્ઝનને સપોર્ટ ન કરતા iPhones પર WhatsApp કામ કરશે નહીં.
iPhone 5 અને iPhone 5c ને નવીનતમ સૉફ્ટવેર વર્ઝન પર અપડેટ કરી શકાતું નથી. જેના કારણે આ ડિવાઈસ પર વોટ્સએપ કામ નહીં કરે.વોટ્સએપના લેટેસ્ટ ફીચર્સ પર નજર રાખનારી સાઇટ WABetaInfoએ આ અંગે જાણ કરી છે.
આવી સ્થિતિમાં, જો તમારો iPhone જૂની ઓપરેટિંગ સિસ્ટમ પર કામ કરે છે, તો તમારે તેને નવીનતમ ઓપરેટિંગ સિસ્ટમ પર અપડેટ કરવાની જરૂર છે.આ માટે તમારે મોબાઈલના સેટિંગમાં જઈને જનરલના ઓપ્શનમાં જવું પડશે. આ પછી, સોફ્ટવેર અપડેટ પર ક્લિક કરીને, તમે નવીનતમ iOS વર્ઝન ઇન્સ્ટોલ કરી શકો છો.
નવા અપડેટથી સિક્યોરીટી બગ્સને ફિક્સ કરવામાં આવે છે. આ અપડેટ નવા ફીચર્સ સાથે પણ આવે છે.Apple આ વર્ષે iOS 16 રીલિઝ કરવા જઈ રહ્યું છે.અત્યારે આઇફોન યુઝર્સ માટે iOS 15.6 અપડેટ રિલીઝ કરવામાં આવ્યું છે.એક રિપોર્ટ અનુસાર, લગભગ 72% iPhones લેટેસ્ટ iOS પર કામ કરે છે.
