- આગની ઘટનામાં 3 વ્યક્તિઓ ગંભીર રીતે દાઝ્યાં
- ફાયરબ્રિગેડની ટીમે ઘટના સ્થળ પર પહોંચી
- આગનું ચોક્કસ કારણ જાણવા તપાસ શરૂ કરાઈ
અમદાવાદઃ શહેરમાં વધુ એકવાર ગેસ લિકેજને કારણે સિલિન્ટરમાં આગની ઘટના બની હતી. જેમાં એક બાળકનું મોત થયું હતું. જ્યારે 3 વ્યક્તિઓને ઈજા થતા તેમને સારવાર અર્થે હોસ્પિટલ લઈ જવાયાં હતા. જ્યાં તેમની હાલત ગંભીર હોવાનું જાણવા મળે છે.
પ્રાપ્ત માહિતી અનુસાર શહેરના બાપુનગર વિસ્તારમાં એક ઝુંપડામાં આગ લાગી હતી. આ બનાવની જાણ થતા ફાયરબ્રિગેડની ટીમ તાત્કાલિક સ્થળ પર દોડી ગઈ હતી. જો કે, ફાયરબ્રિગેડની ટીમ ઘટના સ્થળ ઉપર પહોંચે તે પહેલા જ આગ કાબુમાં આવી ગઈ હતી. સ્થાનિકોએ પાણીનો મારો ચલાવીને આગ બુઝાવી હતી. આ દૂર્ઘટનામાં 3 વર્ષના જયવીરસિંહ મકવાણા નામના બાળકનું મોત થયું હતું. જ્યારે 3 વ્યક્તિઓ દાઝી જતા તેમને સારવાર અર્થે હોસ્પિટલ લઈ જવાયાં હતા. આ ઈજાગ્રસ્તોની હાલત ગંભીર હોવાનું જાણવા મળે છે. ગેસનો બાટલો લીક થતા આ દૂર્ઘટના સર્જાઈ હોવાનું જાણવા મળે છે. જો કે, આ બનાવનું ચોક્કસ કારણ જાણવા માટે ફાયરબ્રિગેટની ટીમે તપાસ શરૂ કરી છે.
અત્રે લ્લેખનીય છે કે, તાજેતરમાં અમરાઈવાડી વિસ્તારમાં એક મકાનમાં ગેસનો સિલિન્ટર લિકેજ થતા પ્રચંડ બ્લાસ્ટ બાદ આગ લાગી હતી. આ બનાવમાં 3 વ્યક્તિઓ દાઝી જતા તેમને સારવાર અર્થે હોસ્પિટલ ખસેડવામાં આવ્યાં હતા. દરમિયાન ગણતરીના દિવસોમાં જ આવી વધુ એક ઘટના બનતા લોકોમાં ભય ફેલાયો છે.
(Photo-File)
