આજકાલ મોબાઈલ ચોર એવા શાતિર થઈ ગયા છે કે ક્યારે કેવી સ્થિતિમાં આવીને મોબાઈલ ચોરી લે, મોબાઈલ જ્યારે પણ ચોરી થઈ જાય ત્યારે સૌથી પહેલા તો લોકોને ચિંતા થતી હોય છે પોતાના બેંક ડિટેઈલ્સની., પણ હવે આ રીતે તેને સિક્યોર અને સલામત કરી શકાય છે અને મોબાઈલ ચોરી થાય તો પણ ચિંતાથી મુક્ત રહી શકાય છે.
જો ફોન ચોરાઈ જાય તો સૌથી પહેલા તમારે ટેલિકોમ ઓપરેટરને અન્ય કોઈ નંબર પરથી કોલ કરીને તમારું સિમ બ્લોક કરવું પડશે. આ ઉપરાંત ફોન ચોરાઈ ગયા પછી, બેંકને ફોન કરો અને ઓનલાઈન બેંકિંગ સેવા બંધ કરાવો. સાથે સાથે નવા ફોનમાં ઈન્ટરનેટ બેન્કિંગનો ઉપયોગ કરતા પહેલા જૂનો પાસવર્ડ રીસેટ કરો. કોઈપણ પ્રકારના ગુનાની સંભાવનાને ધ્યાનમાં રાખીને આધાર કેન્દ્ર પર જાઓ અને તમારો મોબાઈલ નંબર બદલો અને બેંક સાથે લિંક્ડ UPI પેમેન્ટને ડિએક્ટિવેટ કરો.
આપણે Wallet એપ ડાઉનલોડ કરીને આપણું બેંક એકાઉન્ટ કનેક્ટ કરીએ છીએ. તે સ્પષ્ટ છે કે આપણે બધા આપણા ફોનમાં ખૂબ જ સંવેદનશીલ ડેટા રાખીએ છીએ, જો કોઈ અજાણ્યા લોકોના હાથમાં આપણો ફોન આવી જાય તો તે આપણું બેંક બેલેન્સ પણ સાફ કરી શકે છે. તેથી જો તમારો ફોન ખોવાઈ જાય અથવા ચોરાઈ જાય, તો તમે જલદી આ પગલાં ભરવાની જરૂર છે. આવો અમે તમને એ પણ જણાવીએ કે જો તમારો ફોન ચોરાઈ જાય તો તમે તમારા બેંક બેલેન્સને કેવી રીતે સુરક્ષિત રાખી શકો છો.
પૈસા સુરક્ષિત કર્યા પછી, નજીકના પોલીસ સ્ટેશનમાં જઈને આ સંદર્ભે રિપોર્ટ કરો અને તેની નકલ લેવાનું ભૂલશો નહીં.
