અભિનેતા વિદ્યુત જામવાલની ‘ખુદા હાફિઝ 2 – અગ્નિપરીક્ષા’નું ટ્રેલર રિલીઝ,જાણો ફિલ્મ ક્યાં દિવસે થશે રિલીઝ
- ‘ખુદા હાફિઝ 2 – અગ્નિપરીક્ષા’નું ટ્રેલર રિલીઝ
- 8 જુલાઈ 2022ના રોજ સિનેમાઘરો થશે રિલીઝ
- 2020માં આવેલી ફિલ્મ ‘ખુદા હાફિઝ’ની સિક્વલ
મુંબઈ:શિવાલીકા ઓબેરોય અને વિદ્યુત જામવાલ અભિનીત ‘ખુદા હાફિઝ ચેપ્ટર 2-અગ્નિ પરિક્ષા’નું ટ્રેલર રિલીઝ થયું છે. આમાં વિદ્યુત જામવાલ અને શિવાલિકાની અલગ અંદાજ જોવા મળી છે. ટ્રેલરમાં, બંને એક બાળકીને દત્તક લે છે, જેનું અપહરણ કરવામાં આવે છે. ‘ખુદા હાફિઝ ચેપ્ટર 2-અગ્નિ પરિક્ષા’ વિદ્યુત જામવાલની 2020માં આવેલી ફિલ્મ ‘ખુદા હાફિઝ’ની સિક્વલ છે, જે ડિઝની+ હોટસ્ટાર પર રિલીઝ થઈ છે.
OTT પર ‘ખુદા હાફિઝ’ની શાનદાર સફળતા બાદ હવે તેનો બીજો ભાગ દર્શકો વચ્ચે આવી રહ્યો છે. પેનોરમા સ્ટુડિયો દ્વારા નિર્મિત આ એક્શન ડ્રામા સમીર અને નરગીસની ઓન-સ્ક્રીન લવ સ્ટોરી દર્શાવે છે. આ પાત્રો શિવાલિકા અને વિદ્યુત જામવાલ ભજવે છે. તેઓ કેવી રીતે સમાજ અને પરિસ્થિતિઓનો સામનો કરે છે તે ફિલ્મમાં બતાવવામાં આવ્યું છે.
ખુદા હાફિઝ ચેપ્ટર 2 અગાઉ 17 જૂને સિનેમાઘરોમાં રિલીઝ થવાની હતી.પરંતુ બાદમાં ફિલ્મની રિલીઝ ડેટ બદલાઈ ગઈ હતી.હવે આ ફિલ્મ 8 જુલાઈ 2022ના રોજ સિનેમાઘરોમાં આવશે. આ એક્શન થ્રિલર ફિલ્મ વર્ષ 2020માં રિલીઝ થયેલી ‘ખુદા હાફિઝ’ની સિક્વલ છે.
