Homerevoinewsઆણંદ કૃષિ યુનિવર્સિટીની આંતર-કોલેજ અને આંતર-પોલિટેકનિક એથ્લેટિક મીટ યોજાઈ

આણંદ કૃષિ યુનિવર્સિટીની આંતર-કોલેજ અને આંતર-પોલિટેકનિક એથ્લેટિક મીટ યોજાઈ

આણંદ, 10 માર્ચ, 2026 – Anand Agricultural University આણંદ કૃષિ યુનિવર્સિટી, આણંદ ખાતે આંતર-કોલેજ અને આંતર-પોલિટેકનિક એથ્લેટિક મીટ ૨૦૨૫–૨૬ તા. ૨૭ અને ૨૮ ફેબ્રુઆરી, ૨૦૨૬ના રોજ સ્પોર્ટ્સ કોમ્પ્લેક્સ, આ.કૃ.યુ., આણંદ ખાતેડૉ. કે. બી. કથીરીયા. માનાનીય કુલપતિ,આ.કૃ.યુ., આણંદના માર્ગદર્શન હેઠળ ઉત્સાહભેર અને સફળતાપૂર્વક યોજાઈ. આ પ્રતિષ્ઠિત રમતોત્સવનું સંયુક્ત આયોજન કોલેજ ઑફ એગ્રીકલ્ચરલ એન્જિનિયરિંગ એન્ડ ટેકનોલોજી, ગોધરા તથા કૃષિ પોલિટેકનિક, વસો દ્વારા સયુંકત રીતે કરવામાં આવ્યું હતું.

આ પણ વાંચોઃ VIDEO: આણંદ હવે માત્ર અમૂલથી નહીં, ડૉ. એકતા શાહથી પણ ઓળખાશેઃ જાણો કેમ?

બે દિવસીય એથ્લેટિક મીટમાં યુનિવર્સિટીની કુલ આઠ કોલેજો અને પાંચ પોલિટેકનિકમાંથી મોટી સંખ્યામાં ખેલાડીઓએ ઉત્સાહપૂર્વક ભાગ લીધો. સ્પર્ધાઓમાં ૧૦૦ મી., ૨૦૦ મી., ૪૦૦ મી., ૮૦૦ મી., ૧૫૦૦ મી. દોડ, રીલે રેસ, ઊંચીકુદ, લાંબીકુદ, ગોળાફેંક અને ચક્રફેંક જેવી વિવિધ ટ્રેક અને ફિલ્ડ ઇવેન્ટ્સનું આયોજન કરવામાં આવ્યું હતું. સમગ્ર સ્પર્ધા ઉત્સાહ, ખેલ ભાવના અને સ્વસ્થ સ્પર્ધાત્મકતા સાથે પૂર્ણ થઈ.

Anand Agricultural University's inter-college and inter-polytechnic athletic meet held
Anand Agricultural University’s inter-college and inter-polytechnic athletic meet held

૨૭ ફેબ્રુઆરી, ૨૦૨૬ના રોજ યોજાયેલા ઉદ્ઘાટન સમારંભમાં બં. અ. કૃષિ મહાવિદ્યાલય, આ.કૃ.યુ., આણંદના આચાર્ય અને ડીન ડૉ. એસ. આર. પટેલ અધ્યક્ષ સ્થાને ઉપસ્થિત રહ્યા હતા. તેમના અધ્યક્ષીય ઉદ્દબોધનમાં તેમણે વિદ્યાર્થીઓના સર્વાંગી વિકાસમાં રમતગમતના મહત્ત્વ પર ભાર મૂક્યો હતો.

૨૮ ફેબ્રુઆરી, ૨૦૨૬ના રોજ સમાપન તથા ઇનામ વિતરણ સમારંભનું આયોજન આ.કૃ.યુ., આણંદના વિદ્યાર્થી કલ્યાણ નિયામક ડૉ. ડી. એચ. પટેલના અધ્યક્ષ સ્થાને કરવામાં આવ્યું હતું. આ પ્રસંગે વર્ષ ૨૦૨૫–૨૬ દરમિયાન યોજાયેલી વિવિધ રમતગમત સ્પર્ધાઓમાં વિજેતા તથા રનર-અપ ટીમોને ટ્રોફી અને ઇનામોથી સન્માનિત કરવામાં આવી.

આ પ્રસંગે વિવિધ કોલેજોના આચાર્ય અને ડીન, પોલિટેકનિકના આચાર્યો, એસ.આર.સી. ચેરમેનો, ટીમ મેનેજરો અને મોટી સંખ્યામાં વિદ્યાર્થીઓ ઉપસ્થિત રહ્યા હતા.

આ પણ વાંચોઃ સમાન નાગરિક સંહિતા લાગુ કરવાનો સમય આવી ગયો છે: સુપ્રીમ કોર્ટ

સમગ્ર એથ્લેટિક મીટનું સફળ આયોજન કોલેજ ઑફ એગ્રીકલ્ચરલ એન્જિનિયરિંગ એન્ડ ટેકનોલોજી, ગોધરાના આચાર્ય અને ડીન ડૉ. શિવમૂર્તિ શ્રીવાસ્તવ તથા કૃષિ પોલિટેકનિક, વસોના આચાર્ય ડૉ. બી. સી. પટેલના માર્ગદર્શન હેઠળ કરવામાં આવ્યું તેમજ બંને કોલેજના વિદ્યાર્થીસંઘના ચેરમેન ડૉ. આર. સી. સાલુન્કે અને ડૉ. પી. એસ. પંચાલ તથા આયોજન સમિતિના સભ્યો અને સ્વયંસેવકોના સંયુક્ત પ્રયાસોથી કાર્યક્રમ સફળતાપૂર્વક પૂર્ણ થયો.આ એથ્લેટિક મીટે વિદ્યાર્થીઓમાં એકતા, શિસ્ત, ખેલભાવના અને સ્વસ્થ સ્પર્ધાત્મકતાને પ્રોત્સાહન આપ્યું અને યુનિવર્સિટી સ્તરે રમતગમતના માહોલને વધુ મજબૂત બનાવ્યો.

spot_img
spot_img
સંબંધિત લેખો
spot_img
spot_img

Most Popular

spot_img