પટના: બિહારમાં જાતિ ગણતરીનો રિપોર્ટ આજે જાહેર કરવામાં આવ્યો છે. સીએમ નીતીશ કુમારે પહેલા જ કહ્યું હતું કે,બિહાર સરકાર ટૂંક સમયમાં જાતિ ગણતરીનો રિપોર્ટ જાહેર કરશે. આ પછી 2 ઓક્ટોબરની તારીખ નક્કી કરવામાં આવી હતી અને આજે જ રિપોર્ટ જાહેર કરવામાં આવ્યો છે. બિહારના મુખ્ય સચિવના પ્રભારી વિકાસ કમિશનર વિવેક સિંહે પત્રકાર પરિષદ યોજીને ડેટા રિપોર્ટ જાહેર કર્યો હતો.આ સાથે જ્ઞાતિ આધારિત વસ્તીગણતરીને લગતી પુસ્તિકા પણ બહાર પાડવામાં આવી હતી, જેમાં સંપૂર્ણ અહેવાલ છે. પ્રેસ કોન્ફરન્સમાં કહેવામાં આવ્યું છે કે,આર્થિક સ્થિતિ સંબંધિત ડેટા પછી જાહેર કરવામાં આવશે, હાલમાં પ્રથમ તબક્કામાં જાતિના આંકડા જાહેર કરવામાં આવ્યા છે.
બિહાર સરકારે જણાવ્યું છે કે રાજ્યમાં જાતિની વસ્તી 13 કરોડથી વધુ છે અને અધિકારીઓના જણાવ્યા અનુસાર, જાતિ આધારિત ગણતરીમાં કુલ વસ્તી 13 કરોડ 7 લાખ 25 હજાર 310 આપવામાં આવી છે.
જાતિ વસ્તી ગણતરીનો રિપોર્ટ જાહેર થયા બાદ આરજેડી સુપ્રીમો લાલુએ ખુશી વ્યક્ત કરતા કહ્યું કે આજે ગાંધી જયંતિ પર આપણે બધા આ ઐતિહાસિક ક્ષણના સાક્ષી બન્યા છીએ. ભાજપના અનેક કાવતરાં, કાયદાકીય અડચણો અને તમામ કાવતરાં છતાં આજે બિહાર સરકારે જાતિ આધારિત સર્વે જાહેર કર્યો. આ આંકડાઓ વંચિત, ઉપેક્ષિત અને ગરીબોના યોગ્ય વિકાસ અને પ્રગતિ માટે સર્વગ્રાહી આયોજન કરવામાં અને વસ્તીના પ્રમાણમાં સીમાંત જૂથોને પ્રતિનિધિત્વ આપવામાં દેશ માટે એક ઉદાહરણ સ્થાપિત કરશે.
સરકારે હવે એ સુનિશ્ચિત કરવું જોઈએ કે દરેક વ્યક્તિ તેની સંખ્યા પ્રમાણે સમાન હિસ્સો ધરાવે છે. અમે શરૂઆતથી જ આગ્રહ કરતા આવ્યા છીએ કે રાજ્યના સંસાધનો પર સમાજના તમામ વર્ગોનો સમાન અધિકાર હોવો જોઈએ. 2024માં જ્યારે કેન્દ્રમાં અમારી સરકાર બનશે ત્યારે અમે સમગ્ર દેશમાં જાતિ ગણતરી કરાવીશું અને દલિત, મુસ્લિમ, પછાત અને અત્યંત પછાત વિરોધી ભાજપને સત્તા પરથી હટાવીશું.
જાણો બિહારમાં કઈ જાતિના કેટલા લોકો
પછાત વર્ગ -27.12 ટકા
અત્યંત પછાત વર્ગ -36.01 ટકા
બિનઅનામત -15.52 ટકા
બ્રાહ્મણ -3.65 ટકા
કુર્મી -2.87 ટકા
યાદવ -14.26 ટકા
વેપારી-2.3 ટકા
ધોબી-0.8 ટકા
ચંદ્રવંશી-1.04 ટકા
અત્યંત પછાત વર્ગ સૌથી વધુ -36.01
પછાત વર્ગ -27.12
અનુસૂચિત જાતિ -19.65
અનુસૂચિત જનજાતિ -1.68
મુસ્લિમ -17.70
હિન્દુ -81.99
