ચેટિંગને મજેદાર બનાવવા માટે WhatsApp માં આવી રહ્યા છે આ 5 ધમાકેદાર ફીચર્સ,યુઝર્સ માટે થશે મદદરૂપ
- WhatsApp માં આવી રહ્યા છે આ 5 ફીચર્સ
- યુઝર્સ માટે થશે ખૂબ જ મદદરૂપ
- આ ફીચર્સને ટાઇમ ટૂ ટાઇમ એપમાં કરવામાં આવશે રોલઆઉટ
2022 માં યુઝરના અનુભવને વધુ સારા બનાવવા ઇન્સ્ટન્ટ મેસેજિંગ પ્લેટફોર્મ WhatsApp નવા ફીચર્સ રજૂ કરવાની તૈયારીમાં છે. કંપની અવારનવાર તેની એપને નવા ફીચર્સ સાથે અપડેટ કરે છે,જેથી કરીને યુઝર્સને લેટેસ્ટ ટેક્નોલોજીથી માહિતગાર કરી શકાય.હવે ફેબ્રુઆરીના અંતને ગણતરીના દિવસો જ બાકી રહ્યા છે.એવામાં, કંપની કેટલાક નવા ફીચર્સ પર કામ કરી રહી છે જેમાં મેસેજ રિએક્શન, કેમેરા મીડિયા બાર, ઈમોજી શોર્ટકટ, નવો વોઈસ કોલ UI સામેલ છે.આ ફીચર્સ ટાઈમ ટુ ટાઈમ એપમાં રોલઆઉટ કરવામાં આવશે.તો આવો વિગતવાર જાણીએ કેવી રીતે કામ કરશે આ ફીચર્સ અને તે તમારા માટે કેવી રીતે ઉપયોગી થશે.
એપ્લિકેશને છેલ્લી અપડેટમાં સ્ક્રોલ કરતા મીડિયા બારને હટાવી દીધું હતું, જેનાથી યુઝર્સ વીડીયો અને ઈમેજને પસંદ કરી શકતા હતા,જેને યુઝર્સ સાથે ઝડપથી શેર કરવા માંગતા હતા.હવે એક નવા રિપોર્ટ મુજબ,કંપની આ સ્ક્રોલ કરનાર મીડિયા બારને પોતાના કેમેરા ફીચરમાં ફરીથી રિસ્ટોર કરવાની યોજના બનાવી રહી છે.આ બદલાવ એ યુઝર્સ માટે ઉપલબ્ધ છે જે WhatsApp ના iOS બીટા એપના લેટેસ્ટ વર્ઝનનો ઉપયોગ કરી રહ્યા છે.
એપ તેના પ્લેટફોર્મ પર વોઈસ કોલ માટે નવા યુઝર ઈન્ટરફેસ પર પણ કામ કરી રહી છે.નવું UI એ એપનું ઈન્ટરફેસ ડિઝાઇન કરશે જેનાથી ગ્રુપ કોલ વોઈસ કોલ જેવા જ દેખાશે.જ્યારે કોઈ યુઝર બેકગ્રાઉન્ડમાં એક સ્પેશ્યલ વૉલપેપર સાથે બોલે છે તો રી:ડિઝાઇન કરાયેલ UI વોયસ વેવફોર્મ્સ પણ બતાવશે.હાલમાં તે માત્ર iOS એપના બીટા ટેસ્ટર્સ માટે જ ઉપલબ્ધ છે.
વોટ્સએપ લાંબા સમયથી પોતાના પ્લેટફોર્મ પર ઈન્સ્ટાગ્રામ જેવા મેસેજ રિએક્શન લાવવા પર કામ કરી રહ્યું છે.તાજેતરમાં, WABetaInfo એ પુષ્ટિ કરી છે કે,મેસેજિંગ એપ્લિકેશન પણ તેની ડેસ્કટોપ-આધારિત એપ્લિકેશન માટે સમાન સુવિધા પર કામ કરી રહી છે.વપરાશકર્તાઓ છ અલગ-અલગ ઇમોજીમાંથી પસંદ કરીને સંદેશ પર પ્રતિક્રિયા આપી શકે છે.
એપ્લિકેશન તેની યુનિવર્સલ વિન્ડોઝ પ્લેટફોર્મ આધારિત એપ્લિકેશનમાં એક નવી સુવિધા લાવી રહી છે જે યુઝર્સને ઇમોજીની ઝડપી ઍક્સેસ પ્રદાન કરશે.જ્યારે યુઝર્સ COLON પહેલા કીવર્ડ ટાઇપ કરે છે, ત્યારે WhatsApp તે કીવર્ડથી સંબંધિત તમામ ઇમોજી બતાવશે. માઈક્રોસોફ્ટ સ્ટોર પરથી વોટ્સએપનું લેટેસ્ટ બીટા વર્ઝન ડાઉનલોડ કરીને આ ફીચરને એક્સેસ કરી શકાય છે.
વોટ્સએપ તેની એન્ડ્રોઇડ એપ માટે સર્ચ મેસેજ શોર્ટકટ નામના નવા ફીચર પર કામ કરી રહ્યું છે જે યુઝર્સને અન્ય યુઝરની પ્રોફાઇલની મુલાકાત લઈને ચેટમાં ચોક્કસ મેસેજ જોવા માટે સક્ષમ બનાવશે.તે આજથી શરૂ થતા કેટલાક એન્ડ્રોઇડ બીટા ટેસ્ટર્સ માટે ઉપલબ્ધ છે અને કંપની તેને તેની iOS-આધારિત એપ્લિકેશન પર પણ લાવવા પર કામ કરી રહી છે.
