શુષ્ક અને નિર્જિવ દેખાતા ચહેરાથી છુટકારો મેળવવા માટે આટલું કરો, ત્વચા નરમ બનશે
આપણું રસોડું કોઈ ખજાનાથી ઓછું નથી જેમાં ઘણી બધી વસ્તુઓ હોય છે. મલાઈ રસોડામાં જ ઉપલબ્ધ છે, તેને જો ચહેરા પર યોગ્ય રીતે લગાવવામાં આવે તો ત્વચાની શુષ્કતામાંથી રાહત મળી શકે છે. ખાસ કરીને શિયાળામાં ચહેરા પર ડ્રાયનેસ દેખાવા લાગે છે. ત્વચા ફાટવા લાગે છે અને નિર્જીવ દેખાય છે. આવી સ્થિતિમાં ક્રિમ અને મોઇશ્ચરાઇઝર પણ વધારે અસર નથી બતાવતા. પરંતુ, મલાઈ એ એક ઘરેલું ઉપાય છે જે ત્વચામાં તેની મુલાયમતા પરત કરવામાં અસરકારક છે. ચહેરા પર મલાઈ લગાવવાની ઘણી રીતો છે.
• ચહેરા પર મલાઈ લગાવવાના ફાયદા
જો ચહેરા પર મલાઈ લગાવવામાં આવે તો તેની ચરબી ત્વચાને હાઇડ્રેટ રાખે છે. આ દિવસભર ત્વચાને મોઇશ્ચરાઇઝ્ડ રાખે છે. ટેનિંગ ઘટાડવામાં પણ મલાઈની અસર જોવા મળે છે. મલાઈમાં એન્ટી-ઓક્સીડેન્ટ હોય છે જે ત્વચાને સનબર્ન અને સનટેન બંનેથી દૂર રાખે છે. ચહેરા પર મલાઈ લગાવવાથી ત્વચા પર જમા થયેલી ગંદકી દૂર થવા લાગે છે અને ત્વચા સાફ દેખાય છે. જો શુષ્કતાના કારણે ત્વચામાં બળતરા થાય છે, તો આ સમસ્યાથી છુટકારો મેળવવા માટે મલાઈ લગાવી શકાય છે. મલાઈ નેચરલ ક્લીન્ઝર તરીકે પણ લગાવી શકાય છે. તે ત્વચા પર જમા થયેલી ગંદકીને દૂર કરે છે અને ત્વચાને ચમકદાર બનાવે છે. મલાઈમાં રહેલા વિટામિન્સ ત્વચાને ચમકદાર બનાવવામાં અસરકારક છે. તેને ચહેરા પર લગાવવાથી નિસ્તેજ ત્વચા પણ ગ્લો કરે છે.
• ચહેરા પર મલાઈ કેવી રીતે લગાવવી
ચહેરા પર મલાઈ લગાવવાની ઘણી રીતો. તેને ચહેરા પર લગાવવાથી ત્વચા પર જમા થયેલી ગંદકી દૂર થવા લાગે છે. તમે હળદરને મલાઈમાં મિક્સ કરીને પણ ચહેરા પર લગાવી શકો છો. અડધી વાડકી મલાઈમાં એક ચપટી હળદર મિક્સ કરીને પેસ્ટ બનાવો. તેને ચહેરા પર લગાવ્યા બાદ 15 થી 20 મિનિટ પછી ધોઈ લો. ચહેરા પર ચમક આવે છે. ગ્લોઈંગ સ્કિન માટે લીંબુના રસને મલાઈમાં ભેળવીને ચહેરા પર લગાવી શકાય છે. લીંબુનો રસ અને મલાઈ ત્વચાને સાફ કરવામાં અસરકારક છે. તમે મલાઈ અને ચણાનો લોટ મિક્સ કરીને પણ ફેસ પેક લગાવી શકો છો. આ ફેસ પેક બનાવવા માટે 2 ચમચી ચણાનો લોટ, એક ચમચી મલાઈ અને અડધી ચમચી મધ મિક્સ કરો. તેમાં એક ચપટી હળદર પણ ઉમેરી શકાય છે. સારી રીતે મિક્સ કર્યા પછી, આ ફેસ પેકને 20 મિનિટ માટે ચહેરા પર લગાવો અને પછી તેને ધોઈ લો. મલાઈમાં ખાંડ મિક્સ કરીને ફેસ સ્ક્રબ બનાવી શકાય છે. આ સ્ક્રબને ચહેરા પર એકથી દોઢ મિનિટ સુધી ઘસ્યા બાદ ધોઈને સાફ કરી લો. ચહેરા પરના ડેડ સ્કિન સેલ્સ દૂર થાય છે.
