શું તમે પણ ચા સાથે ખાઓ છો આ વસ્તુઓ,તો થઇ જાવ સાવધાન
- ચા ની સાથે નાસ્તો પણ કરો છો ?
- તો થઇ જાવ સાવધાન
- આ વસ્તુ શરીરને કરે છે નુકશાન
મોટાભાગના લોકોના દિવસની શરૂઆત ચાથી થાય છે. કેટલાક લોકોને ચાની એવી આદત હોય છે કે જો તેમને ચા ન મળે તો તેમને માથાનો દુખાવો થવા લાગે છે. ઘણા લોકો માને છે કે ચા પીવાથી થાક દૂર થાય છે, જ્યારે ઘણા લોકો માને છે કે ચા પીવાથી તણાવ પણ ઓછો થાય છે. એવું માનવામાં આવે છે કે ચામાં હાજર એન્ટિ-ઓક્સિડન્ટ્સ આપણી રોગપ્રતિકારક શક્તિને યોગ્ય રાખવામાં મદદ કરે છે, જોકે તેના કેટલાક ગેરફાયદા પણ છે. જો તેમાં મોજુદ કેફીનનું વધુ પ્રમાણમાં સેવન કરવામાં આવે તો તે શરીર માટે હાનિકારક સાબિત થઈ શકે છે.
હવે જ્યારે ચાની વાત આવે છે, ત્યારે નાસ્તાની પણ તેની સાથે પોતાની મજા છે. સવાર કે સાંજ ચા સાથે નાસ્તો ખાવાની આદત મોટાભાગના લોકોની હોય છે. ચા સાથે દરેક વસ્તુનું નાસ્તા તરીકે સેવન કરવાથી શરીરને નુકસાન થાય છે.આજે અમે તમને એવી વસ્તુઓ વિશે જણાવીશું જે તમારે ચા સાથે ખાવાનું ટાળવું જોઈએ.
હળદર: જો તમે ચા પીવાના શોખીન છો, તો તેની સાથે તે વસ્તુઓ ખાવાનું ટાળો, જેમાં હળદરનો વધુ પડતો ઉપયોગ કરવામાં આવ્યો હોય. હળદર અને ચાના રાસાયણિક તત્વોમાં કેમિકલ રીએક્શન થાય છે અને તેની પાચન તંત્ર પર ખરાબ અસર પડે છે.
ખાટી વસ્તુઓ :ખાટી વસ્તુઓ અને ચા એકસાથે ખાવાથી એસિડિટી થઈ શકે છે. તે સ્વાભાવિક છે કે,તમે ખરાબ સ્વાસ્થ્ય સાથે દિવસની શરૂઆત બિલકુલ પસંદ કરશો નહીં. જો તમે નાસ્તો લેતા હોવ તો તેમાં લીંબુ કે અન્ય ખાટી વસ્તુઓ ન નાખો.
કાચા પ્રોડકટ્સ:એવું જોવામાં આવ્યું છે કે,લોકો ઘણીવાર નાસ્તામાં અંકુરિત દાળ અથવા સલાડ ખાધા પછી ચા પીતા હોય છે, પરંતુ આમ કરવાથી પેટના પાચન તંત્રને નુકસાન થાય છે. આવું કરવાથી બચો.
