ન્યૂયોર્ક, 20 ઓગસ્ટ 2026: અમેરિકાના રાષ્ટ્રપતિ ડોનાલ્ડ ટ્રમ્પે હોર્મુઝ જળમાર્ગને લઈને ચાલી રહેલા તણાવ વચ્ચે ઈરાન પર વધુ કડક પ્રતિબંધો લાદવાની ચેતવણી આપી છે. સાથે જ હોર્મુઝ જળમાર્ગની સુરક્ષામાં અમેરિકાને મદદ કરવાનો ઇનકાર કરવા બદલ તેમણે દક્ષિણ કોરિયાની ટીકા કરી હતી. વ્હાઇટ હાઉસમાં ટ્રમ્પે કહ્યું કે ઈરાન સામે ખૂબ જ કડક પ્રતિબંધો લાદવાની ક્ષમતા અમેરિકા પાસે છે. હોર્મુઝ જળમાર્ગ હજુ ખુલ્લો છે અને ત્યાંથી મોટી સંખ્યામાં જહાજો પસાર થઈ રહ્યાં હોવાનું પણ તેમણે જણાવ્યું હતું.ટ્રમ્પે કહ્યું કે અમેરિકામાં ઊર્જા ઉત્પાદન વધ્યું હોવાથી હોર્મુઝ જળમાર્ગ પર વૈશ્વિક નિર્ભરતા અગાઉની સરખામણીએ ઘટી છે. હોર્મુઝ જળમાર્ગ પર્શિયન ગલ્ફને અરબી સમુદ્ર સાથે જોડે છે અને વૈશ્વિક ઊર્જા પરિવહન માટે મહત્વપૂર્ણ માર્ગ છે.
દક્ષિણ કોરિયાની ટીકા કરતાં ટ્રમ્પે જણાવ્યું કે અમેરિકા દ્વારા હોર્મુઝ જળમાર્ગની સુરક્ષામાં સહાય માંગવામાં આવી હતી, પરંતુ દક્ષિણ કોરિયાએ તેમાં રસ ન હોવાનું જણાવ્યું હતું. તેમણે દાવો કર્યો કે દક્ષિણ કોરિયા પોતાનું આશરે 60 ટકા તેલ હોર્મુઝ જળમાર્ગ મારફતે મેળવે છે.ટ્રમ્પે ઉત્તર કોરિયાના નેતા કિમ જોંગ-ઉન સાથેના સંબંધો અંગે કહ્યું કે બંને વચ્ચે સારા સંબંધો છે. જોકે, કિમ સાથે ફરી વાતચીત શરૂ કરવામાં પરમાણુ નિઃશસ્ત્રીકરણ તેમનું લક્ષ્ય છે કે નહીં તે અંગે તેમણે સ્પષ્ટ જવાબ આપ્યો નહોતો.
