નવી દિલ્હી, 13 સપ્ટેમ્બર 2026: કઝાકિસ્તાનની એલેના રાયબાકીનાએ યુએસ ઓપન મહિલા ટેનિસ ખિતાબ જીત્યો છે. તેણે ન્યૂયોર્કના આર્થર એશ સ્ટેડિયમમાં ગઈકાલે રમાયેલી ફાઇનલમાં બેલારુસની આર્યના સાબાલેન્કાને 6-4, 5-7, 6-2થી હરાવીને આ ખિતાબ હાંસલ કર્યો.
આ રાયબાકીનાનું પ્રથમ યુએસ ઓપન ટાઇટલ અને એકંદરે ત્રીજું ગ્રાન્ડ સ્લેમ ટાઇટલ છે; તેણે અગાઉ આ વર્ષની શરૂઆતમાં ઓસ્ટ્રેલિયન ઓપન જીત્યું હતું. આ પહેલાં, અમેરિકાના ક્રિશ્ચિયન હેરિસન અને બ્રિટનના નીલ સ્કુપ્સ્કીની જોડીએ જર્મનીની કેવિન ક્રાવિટ્ઝ અને ટિમ પુટ્ઝની જોડીને હરાવીને પુરુષોની ડબલ્સનું ટાઇટલ જીતી લીધું હતું.
આજે ન્યૂયોર્કમાં રમાનારી પુરુષ સિંગલ્સની ફાઇનલમાં જર્મનીના બીજા ક્રમાંકિત ખેલાડી એલેક્ઝાન્ડર ઝ્વેરેવનો મુકાબલો અમેરિકાના બેન શેલ્ટન સાથે થશે. આ મેચ ભારતીય સમય અનુસાર રાત્રે 11:30 વાગ્યે શરૂ થશે.
વધુ વાંચો: BRICS નેતાઓ માટે ‘નવરસ: ધ યુનિવર્સ ઓફ શેર્ડ ઇમોશન્સ’, સામૂહિક ભાવનાઓનું અનોખું સાંસ્કૃતિક વિશ્વ
