હૈદરાબાદ, 13 સપ્ટેમ્બર 2026: આંધ્રપ્રદેશના વિઝિયાનગરમ જિલ્લામાં રવિવારે એક દુઃખદ માર્ગ અકસ્માત સર્જાયો હતો. જિલ્લાના શિખર ગંજ વિસ્તારમાં લોરી અને ઓટો-રિક્ષા વચ્ચે થયેલી ભયાનક ટક્કરમાં ત્રણ લોકોના મોત થયા હતા. પોલીસે આ ઘટના અંગે વિગતો આપી હતી.
ઘટના અંગે વિગતો આપતાં બોબ્બિલીના પોલીસ અધિક્ષક (DySP) આર. ગોવિંદા રાવે જણાવ્યું હતું કે આ અકસ્માત રવિવારે વહેલી સવારે લગભગ 4:45 વાગ્યે થયો હતો.
સમાચાર એજન્સી પીટીઆઈ (PTI) અનુસાર, આજે વહેલી સવારે વિઝિયાનગરમ જિલ્લાના શિખર ગંજ ખાતે લોરી અને ઓટો-રિક્ષા વચ્ચે સામસામે થયેલી ટક્કરમાં ત્રણ લોકોનાં મોત થયાં છે.
વાહનો સામસામે અથડાયાં
ડીએસપીએ વધુમાં જણાવ્યું હતું કે લોરી વિઝિયાનગરમ તરફ જઈ રહી હતી, જ્યારે ઓટો-રિક્ષા વિરુદ્ધ દિશામાંથી આવી રહી હતી. આ બંને વાહનો વચ્ચે સામસામે જોરદાર ટક્કર થતાં આ દુઃખદ અકસ્માત સર્જાયો હતો.
અકસ્માતની માહિતી મળતાં જ પોલીસની ટીમ ઘટનાસ્થળે પહોંચી હતી. પોલીસ અધિકારીઓએ જણાવ્યું હતું કે આ ઘટના અંગે કેસ નોંધવામાં આવશે અને આગળની કાયદેસરની કાર્યવાહી કરવામાં આવી રહી છે.
